بعض الشيء عن كل شيء © Asmaa Khairy

صباح الخيــــــــــــــــر

 اصحى الصبح على مقال لجمال سلطان بيهاجم من قالوا لأ ، و يقول أنهم ناس كانت عايزة تضحك على البلد و يحولوها معرفش ايه و كلام كتير قبل ما اخلص وائل خليل قالي انه الدكتور مانعه من القراية لجمال سلطان فقولت خير .. الدكتور عمل فيا و فيه خير

 

خلصنا من جمال و الاخوان و الاحلام الوحشة عن النشرة اللي حلمت بيها امبارح نشرة ما بعد يونيو 2013 ..دستة اخبار قمة في الروعة ، على رأسها خبر امبارح بتاع الافراج عن وائل الكومي

و حلمت امبارح برضه اني نزلت التحرير لوحدي

و قعدت اهتف ..

استفتونا استفتونا و خرجوا اللي قتلونا

ليه ليه ليه ليه وائل الكومي يخرج ليه

 

**************

كان عندي حلم – يقظة – للنهارده أحلى بكتير من الأحلام اللي شوفتها امبارح .. احلى بكتير من أخبار النهارده و النهارده يا اللي مش عارفين 21 مارس .. 2011 بعد 18 سنة من 21 مارس 1993 .. يعني بقيت مواطن يصلح للاستخدام السياسي و يقدر يمارس حياته السياسية و يبقى معترف بيه رسميا من قبل الجيش …

*************

 

المهم .. رداً على عمو جمال

الي قالوا لأ .. مقالوهاش عشان هم ليبرالين ولا عشان هما علمانيين ولا يساريين ولا بطيخ

يساريين و ليبراليين قالوا اه

كـل واحد كان شايف رؤية

بس مفيش حد كان شايف انتماء سياسي ولا ايدولوجي

كله نزل و شايف انه بيختار الاصلح لمصلحة مصر

سواء اه او لا

كله نزل حابب يرفع راية مصر فوق

كله نزل عشان يقول انه مصر عاشت

و انه الثورة نجحت

 

 

آه .. قلة نزلوا عشان التخلف بتاع لأ حرام .. و المادة الثانية من الدستور

و الكلام الفارغ اللي مفيش منه معنى

 

و بخصوص المادة التانية فهي اصلا تعتبر مش في صالح الدولة الاسلامية اللي بيحلموا بيها السلفيين

  

لكن الناس كانت ايجابية و مش هسمح لاي مقال انه يفسد عليا المتعة دي

مصر بقت ايجابية

و لو ايه حصل .. مفيش حد – يا كل اللي في باله انه ختم الناس بصوابعم ع افاهم و بقم خاتم م في صباعه هو – هيضحك على الناس دي تاني ، و مش هيقولو نعم ولا هيقولو اه الا على حاجة هما مقتنعين بيها

 

أنا قولت لا .. و مقتنعة برأيي

 

و دلؤقتي ..

اذا سمح الجميع

انت خلاص انتهينا من مرحلة نعم ولا

في حاجات اهم لازم ناخد  بالنا منها

 

عندنا بورصة لازم تفتح

عجلة انتاج لازم تدور

معسكر فايز لازم يطرح الخطوات الجاية

اعلان دستوري من الجيش و جدول زمني لازم يطلع

حاجات كتيرة جدا أهم من جمال سلطان و خرافات المادة التاينة و العلمانييين و فزاعة الاخوان و كلام كتير

حاجات كتيرة اهم لازم نبدأ نحط خطط نمشي عليها

نركز على احزابنا

نركز على البرامج الانتخابية سواء للبرلمان ولا للرئاسة ..

لازم نبدأ نشتغل .. نشوف هندعم مين

نبتدي ننزل الشارع و نعمل حملات توعية للناس

عشان محدش يبتزهم لا بفكر ديني ولا بفكر اقتصادي ولا بكلمة استقرار

 حق المصريين في الخارج في التصويت

قالـــــوا نعم للاستقرار السريع .. و قلت في العجلة الندامة

و لكن لن أبكي على الحليب المسكوب و المج المكسور

الآن علينا جميعا كلا من معسكري نعم و لا

البدأ في العمل و الكف عن الكلام اللي ملوش لزمة .. نبدأ شغل

نبدأ نشوف البلد عايزة ايه

و نبدأ نستفيد من طول المرحلة الانتقالية بشكل ايجابي

حاجات كتير نقدر نعملها ..ممكن نحط ايدينا في ايد بعض

عشان مصر تتحرك ..

25 يناير كان مصر

و كلنا مصر

و كلنا هنفضل مصر

 

حطو التلات جمل دول في بالكم

و متنسوهمش

 

 

تحياتي

اسماء خيري

و كل سنة و انتم طيبين

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Tag Cloud

%d bloggers like this: