بعض الشيء عن كل شيء © Asmaa Khairy

في البداية سامحوني لاني مش هتكلم بكلمات مرصوصة و لا بطريقة موزونة .. أنا هقول اللي عندي من سكات و أمشي تاني

انا بقالي حوالي 16 يوم مكتبتش تدوينة جديدة ، لسبب بسيط جدا .. انه مكنش فيه تعليق عندي يتقال على اللي بيحصل في مصر غير

إعلامنا إعلام متواطىء موجه فاشل عقيم و قواديه جهلة

و لما كان هذا التعليق أقل من 140 حرف أصبح من السهل أن أعيده و أزيده على شبكة التواصل الاجتماعي تويتر ،خلينا نراجع ايه اللي حصل في الفترة اللي فاتت دي في مصر او بالاخص ما عرض منه على الساحة الاعلامية

اولا كان فيه الهجوم على اهالي الشهداء يوم 28 و 29 يونيو اللي اتقلب انه اهالي الشهداء بلطيجة اللي خلاهم يمشو  في التحرير و منهم ناس لحد دلؤقتي ماشية ببطايقها و صور الجرايد و صور عيالها الل يماتت و تقولك والله ما بلطجية احنا جينا نطلب حق ولادنا حتى بصو

بعد كده نروح على يوم 8 يوليو .. مظاهرات الثورة اولا و بداية الاعتصام

لما تخرج مظاهرات في كل الاماكن اللي هذكرها دي و تبدأ اعتصامات و تستمر و تركز انه المظاهرات كانت في التحرير و اسكندرية و السويس و تسيب الباقي يبقى انت اعلام متواطىء و فاشل و عقيم

كان في مظاهرات فــي الاماكن التالية :

الاقصر

اسيوط

قنا

المنيا

الزقازيق

طنطا

المنصورة

دمنهور

سوهاج

الفيوم

البحر الاحمر

السويس

بور سعيد

اسكندرية

التحرير

اسماعيلية

فقط مظاهرات البحر الاحمر و سوهاج و دمنهور هما اللي رجعوا بيوتهم يوم 8 يوليو الجمعة اللي بعديها رجعوا تاني اعتصمو بس من غير البحر الاحمر

يعني احنا دلؤقتي عندنا اعتصمات في الاماكن التالية

الاقصر

اسيوط

قنا

المنيا

الزقازيق

طنطا

المنصورة

دمنهور

سوهاج

الفيوم

السويس

بور سعيد

اسكندرية

التحرير

اسماعيلية

المتظاهرين في السويس و التحرير صعدو دول قفلو طريق السخنة و دول قفلو المجمع .. اهل التحرير محدش جه جنبهم الا الاعلام لما التلفيزون المصري قالك انه البورصة تنهار لغلق مجمع التحرير ، انما السوايسة اتفض اعتصامهم على طريق السخنة عن طريق الشرطة العسكرية -و اعتصامات القنال و الاربعين ، كل ما يجو الناس يهتفو يقوم الجيش يشغل قرآن وعلي الصوت ، ليه ؟ و حاجة تانية معرفش ليها دلالة ولا لأ لكن الجيش كان دايما بيبعت حد من العساكر بكاميرا يصورهم حسب ما كذا حد من نشطاء السويس او القاهرة اللي راحو اكد

فين الاعلام

اعتصام طنطا اتفض بالقوة .. (رجع تاني ) لكن فين الاعلام ؟

اعتصام الاقصر و اعتصام بورسعيد هاجموه بلطجية .. فين الاعلام ؟

التحرير و سعد زغلول في دايما محاولات لاشعال الخناقات جوة الميدان و عند البوابات و مع الباعة الجائلين ..مين المسئول ، و فين الاعلام ؟

اه نسيت .. الاعلام كان بيغطي خناقات الدستور اولا و الانتخابات اولا و العسكر اولا و مليونية روكسي ذات ال36 نفر و منصة ،و تصريحات التيارات الاسلامية و الاحزاب الاسلامية و غيرها من الحاجات التافهة مثلا ، زي انه الاكونت المزيف لباراك اوباما على تويتر يقول انه السفير المصري قاله ياكل جبنة قريش الاهرام تكتب انه افطار البيت المصري على مائدة باراك اوباما !!!!!!

نيجي بقى لخطاب عصام شرف للامة الاولو خطاب عصام شرف للامة التاني

يوم السبت ، اللي كان فيه خطاب عصام شرف الاول ، الصفحة الرسمية لمجلس الوزراء قالت الخطاب بعد قليل و اتأخر ساعتين و كنا بنتفرج على التلفيزون المصري مستنين الخطاب لمدة ساعتين

شوفنا ايه بقى

شوفنا مقدمة برنامج اسمه (سباق الاغاني ) و واحدة باعتة للبرنامج ع الفيس بتقولهم ما تتغيرو بقى و تتعلمو من القنوات التانية .. تقوم المذيعة رادة تقولها متزعلييش مننا احنا مستنين الميزانية و هنغير الديكور واسم البرنامج بس ع الله المذيعة و المخرج ميتغيروش (!!!!!!!!!!!!!!!!!!!!!!!!!)دي حاجة الحاجة اللي بعديها كان برنامج (هنا افريقيا)

و كان مقدمين البرنامج فخورين جداااااااااااا ، انه جنوب السودان انفصل عن الشمال ، و كانو فخورين جدااا انه مصر كانت من اوائل الدول المعترفة بجنوب السودان و كان الانفصال ده فعلا هو الحل !!! و دي يا ولاد اصلا كانت تالت مرة مصر تتقسم فيها ولا عزاء لمينا …نرجع لموضوعنا

بعد ذلك كانت النشرة ، و اهم ما لفت نظري فيها مخارج الحروف النكتة للمذيعين ، و مذيعية الارصاد الجوية  اللي كانت زي ما تكون حاسة انها بتــ model

و بتقرا درجات الحرارة زي ما تكون بتعد

و بعد كده المذيع اتلخبط و قال انه هنروح لمجلس الوزراء بعد كده قال عفوا هنروح نشوف تقرير حاجة كده ..

انا مستغربة انه النشرة عندنا بتتقال بكروتة كده و خطاب عصام شرف ملوش تحليل بعد ما يتذاع ، و ماسبيرو مفيهوش مدقق لغوي و اخر حاجة مفهوم التغيير في ماسبيرو هو تغير الديكور

احنا اعلامنا عنده عاهة و افقه ضيق لدرجة انه ميقدرش يشمل الجمهورية كلها

تخيلو الناس اللي في الاعتصامات دي كلها محدش بيغطي اللي بيحصلها و انا شخصيا معرفتش انه في اعتصام في اماكن معينة الا من خلال نشطاء في  اماكن مختلفة في الصعيد بيتواصلو مع بعض بالتليفون ..طب ايه ؟ امال بيتصرف عليهم من الضرايب اللي بندفعها كل ده ليه .. عشان يقولونا المجلس راح و المجلس جه و الوزير راح و الوزير جه ؟ لا انا مش عايزة اعرف حاجة عن المسؤولين غير قراراتهم و تصرفاتهم مش عايزة تحركاتهم و عايزة اعرف اللي بيحصل في بلدي

نفسي ماسبيرو يتنضف و الاهرام تنضف و الاخبار و الجمهورية و الشروق و غيره ينضفو .. مش عايزة اعلام موجه في مصر

لا خاص ولا حكومي

و مش عاييييييــــــــــــــــــــــــــــزة وزارة إعــــــــــــــــــلام

مش عايزة وزارة اعلام

و خصوصا لو هيمسكها واحد قال يوم 24 يناير ” لا يوجد عاقل في مصر يتمنى ان يتكرر سيناريو تونس فيها “

بلدنا مش هتنضف الا لما ينضف الاعلام اللي بيدخل كل بيت و عامل زي الزن في ودان كل مصري  ، التلفيزون و الراديو .. يبنوووو مش يهدو و لا يحرضو و يخوفو ولا يأذو

و اهم حاجة عندي دلؤقتي … انه الناس تنزل الميدان

الميدان محتاج حماية

و الحماية بالعدد .. الناس اللي في الميدان بتهلك .. و الميدان بيتم اختراقه بعناصر من الداخلية و ناس تبع رجال الاعمال

و شوفولنا حد يغطي  الصعيد اعلاميا

اي حد

عشان دول اهم من القاهرة الكبرى

تعزياتي

اسماء خيري

تحديث (1)قررت القوى السياسية تعليق الاعتصام بأسيوط إلى أجل محدد

قد يكون معاهم حق انهم يعلقو الاعتصام .. كده كده اعتصام بلا تغطية اعلامية ملوش معنى  ..كتر خير اعتام القاهرة الكبرى

Comments on: "إعتام جمهورية القاهرة الكبرى المحتلة" (2)

  1. كلامك مضبوط ان الاعلام متواطيء بشكل كبير وبستخدم سياسة التعتيم بدرجة كبيرة وانا عن نفسي مقاطع التلفزيون من اكتر من 5 سنين لما لاقيت مافيش اهتمام بحادثة مقتل مصريين رفح علي الحدود بطلق من قناص صهويني ومحدش اتكلم كويس عن مقتل مروة الشربيني ولا الشاب المصري في لبنان وحتي تغطية الحزب الوطني كانت بتبقي متفصلة ( مكتوب مباشر ومقطوع منها كتير ) ومفيش اهتمام بمجلس الشعب ولا القوانين الغير دستورية بالمرة اللي هتكون السبب في تهرب الفاسدين من المحاكمة الان
    وطريقة ان اللقاء بيتذاع في قناة زي دريم تقلب المحور تلاقي نفس الراجل ولو مالحقتش الحلقة اقلب علي الحياة هتلاقي برضة
    ومافيش عندنا اصلاً حاجة اسمها قطاع اخبار ولا مراسل ( بنجيب لقطة من قناة يورو نيوذ وتبقي تغطية )

    كل ده واكتر اسباب حالتني امتنع عن متابعة التلفزيون نهائياً

    انا معاكي ان مافيش حاجة اسماها وزارة اعلام ( لانها بتمثل دور انتاج ورقابة في نفس الوقت يعني اعلام وجه من الاخر )

    لكن كنت اتمني الناس تبطل اعتصام عشان المفروض يبقي ليهم دور حقيقي في الفترة دي غير التظاهر بمعني انه يتم التوجه لثورة عقول وليس ثورة السنة واصوات عالية

    التوجه للقراءة في مجالات مثل الاقتصاد والقانون والتاريخ والسياسة ( مش لازم تخصص يبقي عندك فكرة الكلام معناه ايه )
    نمارس دور من التوعية ونفهم الناس ان المجاس النيابية دي مهمة ليه ( انتخب علي اساس انه فاهم قانون وتشريعات .. مش هيبني مستشفي وجامع لان ده دور الجهات التنفذية بالدولة وليس التشريعية )
    نقراء البلاد اللي عملت ثورات زيناه اللي سبقوناه من اكتر من 10 سنين ( نعرف من نجح ومين فشل ونحاول ناخذ اللي يناسب بلدنا ونبعد عن الاخطاء )
    نحاول نتعاون نسمع بعض اكتر من كده وبلاش لهجة ( انته مش فاهم وتعاله اعلمك ) لاء محدش له فضل علي التاني ودي طريقة من ممارسة الدكتاتورية

    يبقي دورنا في الشارع اننا نندمج مع الناس مش ناخد جنب منهم وصدقني النتيجة مش كويسة في النهاية وهتكون وجود كثير من الانقسامات التي تؤدي الي التصنيف والتعميم

    وليسة عندي كتير ممكن اتكلم فيه
    ارجو يكون وجهه نظري وصلت وانا تحت امرك في اي نوع من المناقشة

    • سعيدة جدا بردك الرائع ، اتمنى تراجع مقالي الاسطورة و الواقع و الرجاء كنت بناقش فيه بعض النقاط اللي حضرتك تطرقت ليها و باذن الله هرد على حضرتك وافي فيما بعدhttps://lessan7al.wordpress.com/2011/08/10/thelegandofjan25/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Tag Cloud

%d bloggers like this: