بعض الشيء عن كل شيء © Asmaa Khairy

Archive for August, 2011

الرقيــــــــــــــــــب !

فيلم وثائقي للجزيرة أثق أننا كمدونين -اصحاب منبر في الاعلام المصري الجديد – فهم ما جاء به ،يتحدث حول كيفية صناعة الإعلام المصري منذ بدأت الجمهورية حتى تاريخ بثه إن جاز القول

و لعلي أريد أن اقول بعض الأشياء ، لعلها نقاط أحتاج إلى قولها ، و لعلها يجب أن تقال ، لا أعلم

و لكن

أنا كمدونة ،ومشروع إعلامية أفهم جيدا مسؤولية أن يكون لي قلم ، و أن يكون لي صوت ، و أن يكون هناك و لو إنسان واحد يثق بي

كانت مهمة من قبلي كشف الستار عن الفساد الموجود و عن التعذيب  و غيرها من الستائر السوداء التي كانت تحيط بمجتمعنا و دولتنا ، أما دورنا الآن فهو أن ننير الأفق ونترك لكم الاختيار ، مهمتنا أن نساعد في تفتيح آفاق جديدة ، و نساعد في تطوير الفكر المصري ليتخطى حدود المربع المرسوم له ، لمحاولة طرح أفكار تجعلنا نتدبر و نفتح أبوابا جديدة للإبداع ،مهمتنا أن ننادي بالحق و نوضح الصورة من مختلف الأوجه و نحترم حق المتلقي في صنع القرار !

أنا كأسماء خيري ، أتمنى أن تحترموني ،حتى إن كنتم لا تحبونني ، فاحترامكم و ثقتكم هو الدليل الوحيد على نجاحي في رسالتي !

أسماء خيري

!

الأسطورة و الواقع و الرجاء !

على أون تي في .. إعلان لبرنامج مساء السبت مع عمرو خفاجي ..يبدأ بـ

و أسقط الشعب النظام

لا يا عم حيلك ، نظام مين اللي سقط .. خليني أقولك ..

و رحل مبارك .. رأس النظام

ممممم كده صح  شكلها أفضل

قالوا أنه في وسط القاهرة كعكة حجرية يدعونها ميدان ، و في كل مدينة عاصمة يدعونها ميدان ،و في كل من ربوع مصر قامت ثورة و أحيا الشعب الأسطورة !

رحل مبارك

كل عاد إلى منزله ..أملا في غد أفضل .. غدا في حماية ذلك أعطته الثورة وردة ..و كلل تعبنا برحيل .. و دمنا رفعه شعار و للشهيد ضرب تعظيم سلام !

عاد الثورجية للنت و الحلقة الضيقة اللي أوسع دوايرها 2 مليون بني آدم ..و بقى الشارع للأسعار و السولار و الأكل و الياميش و المدارس و الامتحانات و النتايج و الزبالة و الزحمة !

أسطورتان كل منهما تواجه الأخرى

ذوي الملابس الموحدة الخضراء المشجرة هؤلاء اللذين أخذو الورد وهتفو باسم الشهيد حمو الثورة ..

و هؤلاء الذي انحسروا كما يفعل الموج بعد العاصفة إلى أماكنهم مؤمنين أن في البلد ثورة و أن لهم صوت سيدوي صداه في آذان 85 مليون بني آدم

و الواقع أن البلد لم تقم فيها ثورة ليحميها ذوي الملابس الموحدة الخضراء المشجرة

البلد قام فيها حراك شعبي لإزالة رأس الظلم

و الثورة تعني تغيير جذري ..يعني إسقاط نظام و بناء آخر

و لا النظام سقط

و لا بناء نظام جديد بدأ

مبارك وراء القضبان .. حاجة فينا اتغيرت .. لكننا مكملناش ..

يوم ما نثور لازم نثور على نفسنا و على سلوكنا و على كفرنا بحقوقنا

لازم نقول لبعض و نتلكم و ده محصلش كله ساكت و باصص لغيره بحيرة و شك

اتغيروا بعدين قولوا قامت ثورة

الثورة لازم تكون جواك قبل أي حد

هل قامت ثورة ؟ آه أم لأ ؟ و لما هيا شكلها لأ .. يبقى ذوي الملابس الخضراء المشجرة حموها إزاي ؟

السياسة .. وسيلة لإدارة و حماية و خدمة المجتمع ! ثورة سياسية لا تكفي !

أصلك مش هتتكلم باسم حد ميعرفكش

و مش هتجيب حق لواحد مستغني عنه

آمنوا أن الثورة قامت -أخيرا- و أصبح لكل صوت و استغربوا لما لقوا القطر القديم لسه بينادي توت توت توت

و التانين آمنوا أن الثورة قامت و خلصت و أن الإدارة في يد أمينة وم ش محتاجة رقابة ، و ركبوا القطر القديم و ماله..الطريق هيفوت

و كل منهما لازال يعيش في الرجاء .. و يرفض النزول للواقع

كل منهما يعيش في أسطورة في خيال وسط الهواء

الغربة علمتني حاجات بسيطة .. ومنها اتعلمت كتير !

  • – فكر خارج الاطار المرسوملك
  • – وسع آفاقك
  • – حط نفسك مكان غيرك
  • – عايز تعرف اللي قدامك بيفكر في ايه و ازاي .. اتكلم معاه !
  • – وسط الصوت العالي كلنا ممكن نقول نفس الكلام ومحدش يسمع التاني و نكره بعض مع اننا بتقول نفس الكلام
  • – اسمع اكتر ما تتكلم
  • – فكر في كل اللي سمعته بعقلك مش بحماسك ولا مشاعرك

خلاص .. عبرت عن أفكاري انتهت التدوينة !

التدوينة انتقادا لـكل الناس من اول من يدير دفة البلاد إلى نزيل العشوائيات

..

ملحوظة : هذه التدوينة على العالم الافتراضي

ملحوظة أخرى : أكبر نسبة مشاهدة يمكن أن تحصل عليها التدوينة (لو أنا سوبر مدونة و كده يعني ) قول 250 ألف مشاهدة -إن افترضنا انه مفيش حد قعد يعمل ريفريش و بتاع و كده يعني او فتح اللينك اكتر من مرة او كده قول 100 الف مشاهدة .. كام واحد هيقراها فعلا .. قول 500 .. كام واحد هيفكر فيها .. قول 50 .. كام واحد هيهتم باللي فكر فيه .. قول 5

ملحوظة كمان : العالم الافتراضي تأثيره ضعيف جدا على الشارع و على سلوكيات الناس و على أفكارهم و حياتهم(إلا المهوسيين بيه يعني)

ملحوظة رابعة : أفضل مليون مرة من أني اتكلم مع صاحبتي في ميكروباص عام عن كل اللي فكرت فيه و كتبته في التدوينة دي

ملحوظة خامسة : آه أنا اقصد اقول انه تدوينتي ملهاش صدى طول ما بتكلمش فيها مع الناس و أناقشها معاهم و أعرف رأيهم و أسمعهم و أعرفهم رأيي

ملحوظة أخيرة : مقدرش أعمل كده .. فاللي يقدر يا ريت انزل اركب الميكروباص رايح جاي مش هيكلفك 3 جنيه .. و اسأل السواق .. ايه رأيك في اللي بيحصل في البلد !

و في الأخر .. كلنا بنقول

و الله بنحبك يا مصر

حطيت الصورتين دول عشان عايزة اقول حاجة .. نفس الناس اللي كافحت .. هيا نفسها اللي حرصت تشارك في صنع القرار .. هيا نفسها اللي بتتخانق مع بعضها .. و السبب .. بطلنا نسمع بعض .. بنسمع نفسنا بس !

و النبي تفوقي يا مصر

أسماء خيري

.:: صوتي له قيمة ::.

لا شك أن الاغتراب عن الوطن في مثل هذه الظروف لهو أمر مؤلم ، لأنه كما تعلم و نعلم جميعا أن هذه المرحلة الدقيقة هي مرحلة صناعة القرار ، هذا القرار الذي سيشكل ملامح وطننا العزيز لعقود قادمة ، و لأن الرؤية غائمة ، ولأن لا أحد من المسؤولين اهتم لما ننادي به ، لازلت أنا و أنت وغيرنا ملايين ، لا نعلم إن كان سيكون لنا يد في صناعة هذا القرار أم لا !

و في ظل ما سبق ، اجتمع مجموعة من النشطاء المصريين في عدد من الدول حول العالم ليكونوا “جبهة الدفاع عن حق المصريين المغتربين في مباشرة حقوقهم السياسية “، و قد بذلت الجبهة ولازالت العديد من الجهود في سبيل ضمان حق المصريين في الخارج في التصويت في الانتخابات وابداء الرأي في الاستفتاءات المختلفة،من ضمنها تنظيم وقفات أمام السفارات و القنصليات،مخاطبة المسؤولين بالسفارات و وزارة الخارجية، جمع التوقيعات لمخاطبة المجلس الأعلى للقوات المسلحة، عمل استبيانات لجمع البيانات واستطلاع الآراء،و إنتاج فيديو يتحدث عن حق المصريين في الخارج في التصويت .

و في إطار هذه الجهود طرحت الحملة هذا الاستبيان و الذي يتضمن عددا من الأسئلة حول رغبتك في التصويت و الإمكانيات المتاحة لك ، لذا فإن كنت مصريا مقيما في الخارج رجاء ساعدنا في جمع البيانات عن طريق ملىء الاستبيان التالي  و إرساله  لأصدقائك و معارفك .

إننا كمغتربين لم نفقد يوما هويتنا ولا وطنيتنا ، و إن اختلفنا في أسباب السفر ، اتفقنا على حبنا لهذا الوطن العظيم و إنه حق لنا المشاركة في صنع القرار ، و واجب علينا الدفاع عن هذا الحق حتى النهاية !

شاركنا و ادعمنا ، يمكنك متابعة كل جديد لنا بالانضمام لصفحتنا على  موقع Facebook

Facebook.com/right2vote

أو عن طريق متابعة الوسم #right2vote  على شبكة التواصل الإجتماعـي twitter

للاستفتسار يمنكم التواصل معنا عبر الإيميل التالي : right2vote4egyptiansabroad@googlemail.com

أو حسابنا على تويتر : @right_2_vote

تفضلوا بقبول فائق التحية و الاحترام

جبهة الدفاع عن صوت المصريين في الخارج

أسماء خيري

Tag Cloud

%d bloggers like this: