بعض الشيء عن كل شيء © Asmaa Khairy

ميخفاش على حد  المهازل اللي حصلت في مصر ما بين 19 نوفمبر حتى الان مش بس في التحرير لكن في المحافظات .. هتكلم عليها بعد كده لو جت فرصة لكن بالصور !

حاجات كتير متخفاش علينا من اللي بيعمله المجلس العسكري اللي ممشي مصر في سكة اللي يروح ميرجعش .. و في الاخر يطلع ممدوح شاهين يقول .. احنا متجوزين مصر رسمي مش عرفي !!!!!

المهم ندخل في الموضوع

في كلام بسيط جدا انا مصرية عايشة بره حاربت كتير (و مش لوحدي ) عشان حق المصريين في الخارج في التصويت و خدته .. خدت حقي في اني صوتي يتحسب .. بس لما خدته حسيت اني مكنتش عايزاه … لأني بجد حسيت انه كل واحد هيقعد على الكرسي (من الانتهازيين ) هيحتاج ينظفه كويس اوي او يمحي ضميره لانه هيبقى قاعد على دم شهداء

ليـــه بقى صوت رغم كل ده ؟

صوت لانه ليا صوت .. صوت لأنه ليا دور في اتخاذ القرار

اديت صوتي للثورة مستمرة في القايمة لانه برنامجهم  اقدر ائتمنهم من خلاله على دم الشهداء وسط الانتهازيين اللا نهائيين

و ابطلت صوتي في الفردي و كتبت (يسقط – حكم – العسكر )

رأيي الشخصي اننا مش هنشوف اصلا مجلس شعب🙂

لكن مش مشكلة .. لو بقى في مجلس شعب فانا عملت عليا .. لو الشعب قرر في يوم  يتخلى عن شهدائه فأنا اديت صوتي لمن توسمت فيه انه مش هيتخلى ابدا عنها و هتبقى دستوره، ده رأيي و مش بفرضه على حد لكن بعبر عنه  !

اسماء

نجحنا اخيرا في انتزاع حق التصويت للمصريين في الخارج

Comments on: "أنا ليه أدليت بصوتي ؟" (2)

  1. كويس انك لحقتي تنتخبي يا اسماء .. المجلس بيلعب معانا لعبة الكرسي الموسيقي .. اللي يلحق بس
    خالي بالك ان المجلس هو اللي بيحدد امتي تنتهي المدة وامتي تبدأ ومالوش دعوة اذا مخدش بالك
    زي ما المجلس برضو بيحدد مين ينتخب ومين لاء ومالوش دعوة لو مطلعتش اسمك في القائمة
    زي ما المجلس بيختار مين يدخل البرلمان ومين لاء ومالوش دعوة اذا كنت بحب بلدك ولا لاء

    المهم انك تتبع الاجراءات وتنفذ الاوامر بغض النظر عما سوف تؤدي اليه تلك القرارات العفوية والتعسفية اللي بتكون ضدنا للاسف

  2. المقاطعة في رأي ليست بالحل, حتي لو وجد مقاطعة لن تكون فعالة, نحن نريد أي سلطة تشريعية باسم الشعب, فلا يوجد يحزتنا سوي شرعية ثورية و المجلس و الخال توفيق عكاشه في ليالي العباسية و نجيب محفوظ. الانتخابات أكثر الخطوط اماناً

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Tag Cloud

%d bloggers like this: