بعض الشيء عن كل شيء © Asmaa Khairy

Archive for December, 2012

إجرائات التصويت للمصريين من الخارج -بالصور

ادخل على موقع الاستفتاء عبر هذا الرابط !

اضغط على الصور لتكبيرها
ملحوظة: يمكنكم تحميل الملفات المطلوبة من الروابط الموجودة اسفل التدوينة

http://www.elections.eg/

1اختر خانة المصريون بالخارج ثم: التصويت من الخارج

2

ادخل الرقم القومي و رقم التسجيل .. اذا فقدت رقم التسجيل يمكنك استرجاعه بالضغط على استرجاع رقم التسجيل ..

اكتب الرقم القومي و اسم الام الأول ليظهر لك رقم التسجيل

3

بعد  ادخال الرقم لقومي رقم التسجيل تظهر اجرائات التصويت من الخارج العامة

4

اذا كنت ستصوت عبر البريد .. وجب عليك اتباع التعليمات الآتية

5

 نموذج للاقرار

7

اذا كنت ستصوت في السفارة مباشرة وجب اتباع التعليمات الاتية

6

الملفات المطلوبة

بطاقة الاقتراع ConstitutionalReferendum_2012

يتم تحميل الاقرار من على الموقع لانه يحمل بالاسم و رقم الكشف و الرقم المتسلسل

مسودة الدستور 

صوتك أمانة.. حافظ عليها!

العواجيز لا يمثلوننا ..ولا انتم ..والدم في رقبة المحرض…

كل ما أتكلم مع حد وأقول أني بدعم الولاد اللي قدام الاتحادية يقولولي “وبتدعمي كمان البرادعي وحمدين صباحي اللي حطو ايدهم في ايد الفلول عمرو موسى”

لا … مفيش حد من العواجيز بيمثل الشباب اللي بتموت في الشارع

لا البرادعي ولا حمدين ولا موسى نزلوا الشارع الا لماما ولا عمرهم حضروا اشتباكات ولا شمو غاز ولا جسمهم اتخرم خرطوش ولما نزلو التحرير في نوفمبر 2012 جمعوا الناس حواليهم في الصينية وسابو الولاد يضربوا على اطراف الميدان و معمللهمش حاجة..

آه ممكن من الشباب اللي يكون شايفهم مثل أعلى أو سياسيين اقوياء .. (البرادعي و حمدين) و حمدين خد اقل من مرسي بأصوات قليلة .. وناس كتير بتدعمه ..

المهم انه محدش فيهم هناك بنفسه .. محدش فيهم بيقود الحشود ..

والاخوان مش بيمثلوا الشعب

للتوضيح بس انتو مش مصر كلها و مصر مش كلها اخوان و مش مصر كلها حاباكم .. وشرعية الرئيس مش هيتم الحفاظ عليها لو اهدرتوا دم ..

آه الناس انتخبته و فاز بأغلبية 51% .. رئيسا مدنيا شرعيا للبلاد

يوم ما يقتل .. يوم ما يسيب الناس تتقتل هيفقد شرعيته

و لازم تعلموا تطلعوا بره الشرنقة اللي انتو فيها بقالكم  80 سنة … لازم تحلوا الجماعة كلها من السمع والطاعة ..

اللي مات (ثائر -اخوان) دمه في رقبة مكتب الارشاد و وزارة الداخلية و محمد مرسي …

توالت الدعوات لمدة اسبوعين قبل الخامس من ديسمبر من قيادات الاخوان للنزول حيث المعارضة .. ثم تم سحبها كل مرة تذرعا بحقن الدماء .. لماذا تخليتم عن حقنكم للدماء هذه المرة ..

الناس بتموت في الاشتباكات

الناس بتموت في الاشتباكات .. و ده متوقع.. خصوصا في اشتباكات زي امبارح الطرفيين مشحونين على الاخر (خصوصا الثوار اللي اتضربوا 11 يوم ورا بعض و لحد دلؤقتي مرسي مجابش سيرتهم بكلمة) و الاخوان اللي مفهمينهم اننا اعداء الدين لاننا رافضين الاعلان الدكتاتوري بتاعه

المحرض والحامي والمسؤول عن الحماية

لو حد ضربك اضربه .. كلمة بابايا علمهالي من وانا صغيرة .. وكل اب في مصر بيعملها لابنه .. عشان تبقى راجل لازم تعرف تاخد حقك ..

لما حد يعتدي عليك هتدافع عن نفسك و الا مش هتبقى راجل ..

الاخوان بالنسبة ليهم النزول عند الاتحادية اعتداء عليهم (تفكير عقيم)

و لما راحوا فاكرين نفسهم بيدافعوا عن حقهم اعتدوا على المعتصمين  وهكذا بدأت و انتهت الاشتباكات و سقط شهداء من الطرفين ..

لكن كل الدم اللي نزل في رقبة المحرض : مكتب الارشاد اللي نزل الشباب الاخواني هناك … الحامي .. الي هو المفروض وزارة الداخلية اللي في دولة ما محترمة المفروض انها تحمي اي اعتصام او مظاهرة سلمية  و المسؤول عن الحماية و هو القائد الأعلى للشرطة رئيس الجمهورية  بصفته لا بشخصه محمد مرسي .

مرسي رئيس منتخب ما ينزل وحدة خاصة من الجيش تخلص الموضوع

زمان كان حرام و عيب و مستحيل وغير انساني انه الجيش او الامن المركزي يقتل الناس .. لكن دلؤقتي يا مرسي نزل الجيش و خلص .. ليه تحولتم لحيوانات منعدمة الرحمة لأنكم تدعمون من هو في مركز القوة ؟ زميل سوري لي قال نفس الكلمة… يعني بشار له حق يقتلكم عشان هو شايف انه صح و احنا لا ؟ الدم كله حرام .. (والكلام ده مخصوص لزمايلي في الجامعة  ولأي حد بيتبنى رأيهم)

كفاية كده عشان معيطش

سلام (يا رب انزل سلام على ارض مصر )

أسماء

رأيي وموقفي من الوضع عند الاتحاديه

لان الموقف ليس موقف مواربة ..  فما يحدث عند الاتحادية له اركان 10 يجب ان تكون واضحة

1- من حق أي حد يتظاهر في أي مكان في البلد طالما كان تظاهره سلمي ولم يعتد على المنشئات (وفقا للاخوان)

  2- من حق أي حد يعتصم في أي مكان في الدولة  3- ليس من حق أحد الاعتداء على من يعبر عن رأيه
4- الاخوان عارفين انه ذهابهم لمكان فيه معارضة للرئيس قد يفتح الباب لسيول من الدماء (الدليل: موقفهم الاسبوعين اللي فاتو من الرغبة في حقن الدماء)
5- ذهاب ا
 لاخوان لمكان الاعتصام عند الاتحادية معناه تنازلهم عن رغبتهم في حقن الدماء 
6- الاخوان مبيتحركوش بعشوائية 
7- مفيش واحد من الموجودين عند الاتحادية رئيس او قائد الشعبة معرفش بيسموه ايه هو اللي موجهه ينزل 
8- أي دم هينزل هو مباشرة في رقبة محمد بديع ومكتب الارشاد لانهم من يديرون الحشود المؤيدة
9- أي دم هينزل في رقبة وزارة الداخلية لأنها لم تؤمن المعتصمين السلميين أمام قصر الاتحادية و تحميهم من الاعتداء (الفعل السلبي) 
10- أي دم هينزل هو في رقبة رئيس مصر محمد مرسي لأنه لم يتخذ أي اجراء لحماية المعتصمين السلميين أمام قصر الاتحادية (الفعل السلبي)

كل احترامي لان الرئيس منتخب … مش معنى انه منتخب يبقى كل حاجة مباحة ومحرم الاعتراض عليه

كل دم سيسقط في رقبة اولا المحرض : مكتب الارشاد ثانيا من تهاون في الحماية: الداخلية ثالث المسؤول عن الحماية: محمد مرسي
الدكتور مرسي أخطأ باصدار الإعلان الدستوري
أخطأ مرة أخرى عندما وضع الاستفتاء في صورة يا ده يا  الاعلان الدستوري
و ليس خطأه ان البعض خير بين نعم أو لا مع حرب أهلية
و لن أحمله خطأ نزول الاخوان اليوم و لكني احمله كاملا لمكتب الارشاد لان الاخوان مثلها مثل المؤسسات العسكرية ليس لها حركات عشوائية
أنا مع الحق و مع الثورة و مع الحرية .. .دائما كنت و دائما سأكون
هذه التدوينة اثباتا لموقفي .
أسماء

بخصوص تصويت المصريين في الخارج على الاستفتاء 8 ديسمبر 2012

إجرائات تصويت المصريين من الخارج -بالصور من 12 -15 ديسمبر 2012

تم تأجيل الاستفتاء في الخارج ليوم الأربعاء 12 ديسمبر 2012

من له حق الإدلاء بصوته في الاستفتاء اللي جاي؟ كل من سجل في موقع اللجنة العليا للانتخابات قبل انتهاء موعد التسجيل لانتخابات الرئاسة..

للأسف من أتم الـ18 بعد 8 مارس 2012 ولم يسجل في الموقع قبل انتهاء التسجيل للإنتخابات الرئاسية الأخيرة لن يتمكن من التصويت

الوقت ضيق جداً 5 أيام لاعداد السفارات للاستفتاء و لن يتم فتح باب التسجيل على الموقع للادلاء بالصوت في الاستفتاء وبناء على ذلك من سافر بعد انتخابات الرئاسة للاسف لن يتمكن من التصويت لانه اللجنة العليا للانتخابات لم تفتح الباب لتسجيل ناخبين جدد من الخارج زي ما بتعمل كل مرة …

بطاقات الاقتراع هيتم اتاحتها عبر موقع اللجنة العليا للانتخابات وهيتمكن الناخب من طباعتها وتسليمها باليد أو بالبريد.

يجب تقديم ما يفيد أنك مقيم بالدولة (بطاقة شخصية-صورة اقامة-رخصة قيادة) بالاضافة إلى بطاقة الرقم القومي اوالباسبور الجديد، في حالة قمت بالتصويت عبر البريد يجب إرسال صورة من تلك المستندات مع بطاقة الاقتراع!

سيكون التصويت لمدة أربعة أيام من 8 ديسمبر إلى 11 ديسمبر 2012 وتفتح السفارات من 8 صباحا حتى 8مساء الا اذا تم الاعلان عن غير ذلك وسيتم نشر المواعيد إن تم تعديلها !

صوتك أمانة وحاربنا كتير عشان ناخده .. حافظ عليه !

لقراءة النسخة النهائية من مشروع الدستور برجاء اضغط هنا !

أسماء

eg

ملحوظة: سيتم التعليق على سلبيات اقتراع الخارج في الاستفتاء كاملة في مقال او تدوينة منفصلة! 

موقفي من مشروع الدستورالمزمع عرضه للاستفتاء العام 15 ديسمبر 2012

مساء الخير و تحية طيبة و بعد ..

دي بعض علامات الاستفهام و التعليقات على الدستور .

أنا هقول لا في الاستفتاء . لكن رجاء خد من وقتك ساعتين ، اقرا الدستور ،سجل ملاحظاتك. رفضي هيكون مسألة مبدأ لا غير، وفقا لمبادئك انت قرر موقفك من الدستور.

395142_10151199858975073_1441765048_n

و يمكنك قراءة مشروع الدستور من هنا !

أنا معنديش مشكلة في ان الأغلبية تبقى بنعم. لاني متأكدة انه اللي عنده مبدأ هيدافع عنه لحد ما يقدر يحقق العدل و المساواة .. زي مثلا المحاكمات العسكرية للمدنين . احنا مش هنرضى الا بوقفها تماما و لو القانون مظبطش ده هنقدر نطالب بتعديل الدستور.

احترم تماما اي اختلاف في الرأي ومؤمنة انه حقك يبقى عندك رأيك الخاص و مش من حق حد يزايد عليك.

تسجيلي للمواد المعترضة عليها هو اثبات لموقفي فيما بعد…

ده رأيي و تصبحون على خير ..

أولا الباب الأول :

الفصل الأول :

اﻟﻤﺎدة (٧)

اﻟﺤﻔﺎظ ﻋﻠﻰ اﻷﻤن اﻟﻘوﻤﻰ، و اﻟدﻓﺎع ﻋن اﻟوطن وﺤﻤﺎﻴﺔ أرﻀﻪ ، ﺸرف وواﺠب ﻤﻘدس . واﻟﺘﺞﻨﻴد

إﺠﺒﺎرى؛ وﻓﻘﺎ ﻟﻤﺎ ﻴﻨظﻤﻪ اﻟﻘﺎﻨون.

أنا بصراحة مش حابة التجنيد الإجباري، شايفة انه المفروض يخير المصري ما بين خدمة اجتماعية ما والتجنيد الاجباري، بدل ما يبقى مجبر على خيار واحد . ده رأيي الشخصي.

الفضل الثاني :

جزء من المادة (10)

وﺘﺤرص اﻟدوﻟﺔ واﻟﻤﺠﺘﻤﻊ ﻋﻠﻰ اﻻﻟﺘزام ﺒﺎﻟطﺎﺒﻊ اﻷﺼﻴﻝ ﻟﻸﺴرة اﻟﻤﺼرﻴﺔ، وﻋﻠﻰ ﺘﻤﺎﺴﻛﻬﺎ واﺴﺘﻘرارﻫﺎ،

وﺘرﺴﻴﺦ ﻗﻴﻤﻬﺎ اﻷﺨﻼﻗﻴﺔ وﺤﻤﺎﻴﺘﻬﺎ؛ وذﻟك ﻋﻠﻰ اﻟﻨﺤو اﻟذى ﻴﻨظﻤﻪ اﻟﻘﺎﻨون.

مش فاهمة وضع المجتمع ايه بصراحة.. يعني هل هو هيراقب ترسيخ القيم الأخلاقية، وكيف سينظم القانون ده؟..

اﻟﻤﺎدة (١١)

ﺘرﻋﻰ اﻟدوﻟﺔ اﻷﺨﻼق واﻵداب واﻟﻨظﺎم اﻟﻌﺎم، واﻟﻤﺴﺘوى اﻟرﻓﻴﻊ ﻟﻠﺘرﺒﻴﺔ واﻟﻘﻴم اﻟدﻴﻨﻴﺔ واﻟوطﻨﻴﺔ، واﻟﺤﻘﺎﺌق

اﻟﻌﻠﻤﻴﺔ، واﻟﺜﻘﺎﻓﺔ اﻟﻌرﺒﻴﺔ، واﻟﺘراث اﻟﺘﺎرﻴﺨﻰ واﻟﺤﻀﺎرى ﻟﻠﺸﻌب؛ وذﻟك وﻓﻘﺎ ﻟﻤﺎ ﻴﻨظﻤﻪ اﻟﻘﺎﻨون.

برضه عايزة افهم ازاي الدولة هتراعي الأخلاق والآداب بالقانون؟!

الفصل الثالث:

جزء من المادة (14)

وﻴﺠب رﺒط اﻷﺠر ﺒﺎﻹﻨﺘﺎج، وﺘﻘرﻴب اﻟﻔوارق ﺒﻴن اﻟدﺨوﻝ، وﻀﻤﺎن ﺤد أدﻨﻰ ﻟﻸﺠور واﻟﻤﻌﺎﺸﺎت ﻴﻛﻔﻝ

ﺤﻴﺎة ﻛرﻴﻤﺔ ﻟﻛﻝ ﻤواطن، وﺤد أﻗﺼﻰ ﻓﻰ أﺠﻬزة اﻟدوﻟﺔ ﻻ ﻴﺴﺘﺜﻨﻰ ﻤنهإﻻ ﺒﻨﺎء ﻋﻠﻰ ﻗﺎﻨون.

عايزة الجزء اللي تحته خط يتشال!

مش مستوعبة ربط الأجر بالانتاج ده مفاده ايه بصراحة لان عليه لبس كتير ومبقتش فاهمة منه حرف.

*****

الباب الثاني :

الفصل الأول : لا اعتراض

الفصل الثاني :

اﻟﻤﺎدة (٤٤)

تـﺤظر اﻹﺴﺎءة أو اﻟﺘﻌرﻴض ﺒﺎﻟرﺴﻝ واﻷﻨﺒﻴﺎء ﻛﺎﻓﺔ .

اللي هيمنع الإسائة لأي نبي هو أخلاق التابعين له مش مادة في الدستور. مش شايفة أي لزمة للمادة غير انها بتفتح باب لقانون مكمل ممكن يقضي باعدام اشخاص لمجرد عدم ايمانهم او عدم اقتناعهم بالأنبياء. مع كامل احترامي لكل الأنبياء مش المادة دي اللي هتوقف الاساءة.

اﻟﻤﺎدة (٤٩)

ﺤرﻴﺔ إﺼدار اﻟﺼﺤف وﺘﻤﻠﻛﻬﺎ، ﺒﺠﻤﻴﻊ أﻨواﻋﻬﺎ، ﻤﻛﻔوﻟﺔ ﺒﻤﺠرد اﻹﺨطﺎر ﻟﻛﻝ ﺸﺨص ﻤﺼرى طﺒﻴﻌﻰ

أو اﻋﺘﺒﺎرى.

. وﻴﻨظم اﻟﻘﺎﻨون إﻨﺸﺎء ﻤﺤطﺎت اﻟﺒث اﻹذاﻋﻰ واﻟﺘﻠﻴﻔزﻴوﻨﻰ ووﺴﺎﺌط اﻹﻋﻼم اﻟرقمي.

هينظم ازاي الاعلام الرقمي ؟!

الفصل الثالث :

جزء من المادة (62)

وﺘﻠﺘزم اﻟدوﻟﺔ ﺒﺘوﻓﻴر ﺨدﻤﺎت اﻟرﻋﺎﻴﺔ اﻟﺼﺤﻴﺔ، واﻟﺘﺄﻤﻴن اﻟﺼﺤﻰ وﻓق نظﺎم ﻋﺎدﻝ ﻋﺎﻟﻰ اﻟﺠودة، وﻴﻛون

ذﻟك ﺒﺎﻟﻤﺠﺎن ﻟﻐﻴر اﻟﻘﺎدرﻴن.

مش عايزة لغير القادرين دي . في ناس بتقول كل على حسب قدرته المالية، كامل احترامي، الدستورمبيقولش كده و مفيش حاجة في اللي مكتوب توحي بكده اصلا.

جزء من المادة (70)

وﻴﺤظر ﺘﺸﻐﻴﻝ اﻟطﻔﻝ، ﻗﺒﻝ ﺘﺠﺎوزﻩ ﺴن اﻹﻟزام اﻟﺘﻌﻠﻴﻤﻰ، ﻓﻰ أﻋﻤﺎﻝ ﻻ ﺘﻨﺎﺴب ﻋﻤرﻩ، أو ﺘﻤﻨﻊ اﺴﺘﻤرارﻩ

ﻓﻰ اﻟﺘﻌﻠﻴم.

ايه معايير العمل المناسبللسن اصلا و ايه يضمن انه ميسيبش التعليم، مين هيتولى الرقابة ؟!

الفصل الرابع:

جزء من المادة (81)

تـﻤﺎرس ﻫذﻩ اﻟﺤﻘوق واﻟﺤرﻴﺎت ﺒﻤﺎ ﻻ ﻴﺘﻌﺎرض ﻤﻊ اﻟﻤﺒﺎدئ اﻟواردة ﻓﻰ ﺒﺎب اﻟدوﻟﺔ واﻟﻤﺠﺘﻤﻊ ﺒﻬذا

اﻟدﺴﺘور.

أنا أصلا عندي مشاكل مع باب الدولة والمجتمع!

الباب الثالث :

الفرع الأول :

ﻟﻤﺎدة (١٠٨)

ﻟﻛﻝ ﻋﻀو، ﻓﻰ ﻤﺠﻠس اﻟﻨواب أو ﻤﺠﻠس اﻟﺸورى ، اﻟﺤق ﻓﻰ اﻟﺤﺼوﻝ ﻋﻠﻰ أﻴﺔ ﺒﻴﺎﻨﺎت أو ﻤﻌﻠوﻤﺎت

ﺘﺘﻌﻠق ﺒﺄداء ﻋﻤﻠﻪ ﻓﻰ اﻟﻤﺠﻠس، وذﻟك ﺒﻤراﻋﺎة أﺤﻛﺎم اﻟﻤﺎدة (٤٧) ﻤن اﻟدﺴﺘور.

طب لو تحجج المجلس العسكري انه ميزانية القوات المسلحة امن قومي هيبقى الوضع ايه ؟!

الفرع الثاني :

اﻟﻤﺎدة (١٢٥)

ﻝﻛﻝ ﻋﻀو ﻓﻰ ﻤﺠﻠس اﻟﻨواب ﺘوﺠﻴﻪ اﺴﺘﺠواب ﻟرﺌﻴس ﻤﺠﻠس اﻟوزراء أو أﺤد ﻨواﺒﻪ أو أﺤد اﻟوزراء؛

ﻟﻤﺤﺎﺴﺒﺘﻬم ﻋن اﻟﺸﺌون اﻟﺘﻰ ﺘدﺨﻝ ﻓﻰ اﺨﺘﺼﺎﺼﺎﺘﻬم.

وﻴﻨﺎﻗش اﻟﻤﺠﻠس اﻻﺴﺘﺠواب ﺒﻌد ﺴﺒﻌﺔ أﻴﺎم ﻋﻠﻰ اﻷﻗﻝ ﻤن ﺘﺎرﻴﺦ ﺘﻘدﻴﻤﻪ، إﻻ ﻓﻰ ﺤﺎﻻت اﻻﺴﺘﻌﺠﺎﻝ

اﻟﺘﻰ ﻴراﻫﺎ وﺒﻌد ﻤواﻓﻘﺔ اﻟﺤﻛوﻤﺔ.

ايه علاقة موافقة الحكومة ؟!

الفرع الثالث : لا اعتراض

————–

الفصل الثاني :

الفرع واحد: مش فاهمة المادة 139 و 146 حاساهم مليانين اجرائات كتير.

الفرع الثاني: لا اعتراض

————-

الفصل الثالث : لا اعتراض

———–

الفصل الرابع : لا اعتراض

————-

الفصل الخامس :

جزء من المادة 197

وﻴﺨﺘص ﺒﺎﻟﻨظر ﻓﻰ اﻟﺸﺌون اﻟﺨﺎﺼﺔ ﺒوﺴﺎﺌﻝ ﺘﺄﻤﻴن اﻟﺒﻼد وﺴﻼﻤﺘﻬﺎ، وﻤﻨﺎﻗﺸﺔ ﻤوازﻨﺔ اﻟﻘوات

اﻟﻤﺴﻠﺤﺔ، وﻴﺠب أﺨذ رأﻴﻪ ﻓﻰ ﻤﺸروﻋﺎت اﻟﻘواﻨﻴن اﻟﻤﺘﻌﻠﻘﺔ ﺒﺎﻟﻘوات اﻟﻤﺴﻝﺤﺔ؛ وﻴﺤدد اﻟﻘﺎﻨون اﺨﺘﺼﺎﺼﺎﺘﻪ

اﻷﺨرى.

والسؤال هنا ليه مش مجلس الشعب هو اللي يناقش موازنة القوات المسلحة ؟!

جزء من المادة 198

وﻻ ﻴﺠوز ﻤﺤﺎﻛﻤﺔ ﻤدنى أﻤﺎم اﻟﻘﻀﺎء اﻟﻌﺴﻛرى إﻻ ﻓﻰ اﻟﺠراﺌم اﻟﺘﻰ ﺘﻀر باﻟﻘوات اﻟﻤﺴﻠﺤﺔ وﻴﺤدد

اﻟﻘﺎﻨون ﺘﻠك اﻟﺠراﺌم، وﻴﺒﻴن اﺨﺘﺼﺎﺼﺎت اﻟﻘﻀﺎء اﻟﻌﺴﻛرى اﻷﺨرى.

المجلس العسكري كان دايما بيقولنا احنا مبنحاكمش مدنين امام قضاء عسكري الا لو ضروابالقوات المسلحة. الجملة ليها 5000 تفسير وفضفاضة و عامة و القانون غير مضمون.

————

الباب الرابع : لا اعتراض

 أسماء

Tag Cloud

%d bloggers like this: