بعض الشيء عن كل شيء © Asmaa Khairy

Posts tagged ‘الثورة’

مين خرج كسبان؟

mfawdat4

“المعارضة فلول وبلاك بلوك وبلطجية”
“يلا نولع في الاخوان”

صباح الخير على مصر كلها،شباب الاخوان والمعارضة وشباب ملهاش فيها وشباب زيي وقربت تتخنق..

كلامي النهارده موجه للشباب من كل التيارات، وعشان نبقى واضحين، احتمال انك تخرج من التدوينة مخنوق مني ممكن يوصل 70% بغض النظر عن التيار الذي تمثله.

مين الي خرج كسبان من معركة امبارح؟

من رأيي الخاص جدًا، قيادات الاخوان والمعارضة هي الي خرجت كسبانة. وكل الناس الي على الأرض خسرت.

أولًا معركة امبارح تعتبر خناقة شوارع؛ الإخوان ليس لهم كيان قانوني في السلطة وبغض النظر عن انتمائات السلطة، معركة امبارح مكانتش ضد السلطة، كانت ضد الاخوان. ولما هيا ضد الاخوان فهيا بين مدنين وبعض، يعني خناقة شوارع من الآخر.

في خناقات الشوارع الحق ضايع، دي حقيقة أي حد حضر نص خناقة وهو صغير يعرفها. شباب الاخوان وشباب المعارضة علموا على بعض، ومعركة امبارح كانت جزء من حرب مستمرة بقالها كام اسبوع. من الآخر، كلكم خرجتوا متعلم عليكم، ومحدش يحسب أنه عشان امبارح كان في تفوق نسبي للمعارضة في الشارع يبقى انتو فزتوا.

مين المستفيد؟ (هتكلم عن الاستقطاب)

دلوقتي جوة صفوف الاخوان والمعارضة بدأت أصوات تنتقد القيادات. وعشان نبقى متفقين، غصبًا عن كل شباب المعارضة، المعارضة ملهاش قيادات إلا حمدين والبرادعي والقفا بتاع الوفد وكائنات طفيلية تانية مش فاكرة اساميها. الفكرة؛ انت مش راضي عن القيادات المتحدثة باسم المعارضة لكن هو ده الوضع. نرجع تاني، في أصوات طالعة جوة شباب الاخوان وجوة شباب المعارضة ليه قيادتنا بيقولوا كده، وليه وليه وليه. ليه بنعادي بعض اصلا، معظم دول دخلوا في نقاشات عاقلة ولقوا انه الاهداف في الاخر واحدة لكن في غباء وعند من العواجيز.

وضحنا النقطة دي، نروح بقى للاستقطاب. في أنواع استقطاب مختلفة، نوع النهارده هو استقطاب أفراد معسكرك. لما يبدأ الشك يتفشى في جنودك عن أسباب المعركة الدايرة وسبب خسارتهم صحابهم بشكل مستمر من غير أي مكسب (الكلام ينطبق على المعسكرين)، لازم تحصل حاجة تخليهم يجاوبوا هما بنفسهم لما يحسوا بظلم الطرف الآخر عليهم شخصيا؛ خناقة شوارع.

الفترة الأخيرة تحولت لمعركة بين الداخلية والمعارضة، والاخوان والسلطة كانوا بره الصورة خالص إلا من كام تصريح كل فين وفين انه دول بلطجية ومعرفش ايه. كون بعض شباب الاخوان متفقين معانا على انه الداخلية قذرة والبعض التاني ماشي ورا قياداته عمياني ده شكل خطر على مدى تحكم قيادات الاخوان في الشباب.

لما ميرفت ودومة تم الاعتداء عليهم، ميرفت قالت أنه هيا كمان ضربته، يعني خدت حقها. مش عارفة ايه الفكرة من رسم جرافيتي في شارع ضيق مفيش حد هيعدي عليه غير سكانه الي هما أصلا بقو عايشين في ترقب دائم لمصيبة. المهم انه خطة رسم الجرافيتي تحولت لخناقة والناس الي كانت بتدافع عن ملكية خاصة بحقها الكامل، اعتدت على بنت في وسط الغضب وحطت نفسها في موقف لا تحسد عليه. ولسبب ما، أنا مش مع التظاهر قدام مكتب الارشاد ولا مقرات جماعة الاخوان المسلمين لانه ببساطة ملهاش كيان قانوني تمثل بيه السلطة، دي مجرد عمارات وشقق بأسماء خاصة متعلق عليها يفط، يعني ملكية خاصة مهياش ملكية عامة (بتاعتك) زي الداخلية مثلا حقك تولع فيها لو ضربتك في ظهرك. الموضوع يختلف مع مقرات الحزب لان الرئيس منه والبرلمان منه، فالتظاهر قدامه فيه وجهة نظر.

قبل ما أكمل، خلينا نشوف مكتب الارشاد فين. مكتب الإرشاد موجود فوق جبل متحاصر من 3 نواحي ببلطجية، مرشق أجهزة أمنية،فيه قسم المقطم الي في الايام العادية بيبقى فيه من 6-8 عربيات أمن مركزي، عدد لا بأس به من السكان اخوان. غير كده، مكتب الارشاد مش على شارع رئيسي، ده على شارع مطلع ضيق ومكسر وصعب تخرم منه لو مش حافظ المقطم.

كل العوامل الي قولتها دي ساعدت الإخوان بالتعاون مع الشرطة بشكل رائع جدًا في المعركة قبل الاخيرة للثأر لميرفت، انتهت بعدد لم يتم حصره بعد من المصابين و31 معتقل منهم ناس من سكان المقطم تم اخلاء سبيلهم على ذمة القضية يوم الأربع 20 مارس في التجديد.

طب ليه يوم 22 مارس الإخوان مفازوش؟

“أحيانًا يتم التضحية بالبعض مقابل المصلحة العامة” ده الي قيادات الاخوان تفوقت فيه امبارح. إلى حد ما إخوان المقطم مشاركوش في الي حصل امبارح، أغلب الناس الي جت كانت من أماكن بره المقطم أو القاهرة حتى. اخوان المقطم كانوا standby . أنت عندك كل الإمكانيات الي تخليك تتفوق، غير كده، الناس طالعة في مسيرات على الجبل يعني هيوصلوا منهكين اصلا، غير الي بيوصل في عربيات وميعرفش المكان. كان ممكن يتعمل اكثر من كماشة، بالإخوان أو بالأمن أو بأي حاجة لو كان لازم صدام. أو لو مش لازم صدام يتم إخلاء المقر من الأوراق المهمة والأشخاص ويتساب للشرطة وبس كده الناس هتيجي تهتف شوية وتمشي.

لكن الإخوان قرروا يجيبوا ناس اصلا متعرفش المكان كويس، من غير تنظيم وتدخل في معركة تخسر فيها 60 مصاب وتتحبس جوة جامع ومتردش الضرب. ده ع الشوارع الرئيسية في المقطم. عند مكتب الارشاد الوضع كان مقلوب تماما والاخوان كانت ليهم الغلبة بالعنف. ومش من حقي أنشر شهادات سكان المقطم من أهلي أو أصحابي من غير موافقاتهم. لكن عموما ده كان الوضع.

كسبوا ايه الاخوان لما عملوا كده؟ كسبوا كمية دعاية سلبية جوة صفوفهم “شوف بيعملوا فينا ايه” “شوف بيكرهونا قد ايه” “دول مش عايزينا نسيب الاخوان؛ دول عايزنا نسيب الاسلام” “احنا الكاظمين الغيظ، الانتماء للاخوان شرف” إلخ إلخ إلخ

عشان كده امبارح لما كتبت أنا متضامنة مع شباب الاخوان بس مش ضد المتظاهرين؛ كان قصدي اني متضامنة معاهم ضد قيادتهم الزبالة الي بتدفعهم للموت من غير مكسب.

*****

ع الناحية التانية عشان نبقى واضحين

مسلسل التكفير بدأ من 12 فبراير 2011، من ساعة ما سابوا الميدان واتبروا من الي فيه، ومن ثم 26 فبراير 2011 واتسحلوا الناس واتحاكموا عسكريا وفضلوا ساكتين، و9 مارس وكشوف العذرية، والاستفتاء ولأ يعني كافر وليبرالي وعايز امك تقلع الحجاب

لأبريل والقتل والتبرير للجيش،و15 مايو قضيتهم الي باعوها وسابوا العسكر يقولو ارفع راسك فوق انت مصري ويضربك بالبندقية على راسك. ل27 مايو ثورة العلمانين والكفرة لـ28 يونيو البلطجية واعتصام 8 يوليو وفضه 1 اغسطس ودخول المسجد بالجزم من العساكر وضرب الستات وامهات الشهداء وبرضه ساكتين لـ30 سبتمبر وبلطجية تاني رغم انه من وسط المعتقلين كان في شباب اخوان. لـ18 نوفمبر ثورة مصر ضد وثيقة السلمي و19 فبراير البلطجية هاجموا الشرطة وده مسلسل لجر الاخوان لمعارك وتعطيل الانتخابات.

لمجلس الوزراء والبلطجية الي حرقوا المجمع العلمي (الي الجيش هو اللسبب في حرقه) ولما كان لميس وخيري مصادر موثوقة مش اعلام كاذب ومنافق.

إلى آخر حكم العسكر وبداية حكم مرسي،

الي هيعارض مرسي فلول

قطع الكهرباء مخطط لجعل الناس تكره مرسي

الي نزلوا في محمد محمود 3 بلطجية .. برجاء مراجعة التوثيق الخاص بها للي فاتته

الي رافض الاعلان الدستوري رافض الديموقراطية (رغم انه اصلا دمر كل اساسات الديموقراطية)

قتلونا عند الاتحادية (مع ان كل خسايرهم  المرشد مسئول عنها لانه هو الي وداهم هناك في معركة مش معركتهم)

للفوضى الي هيسببها الالتراس يوم 26

للحكم الظالم على بورسعيد

لهناك مخطط اجنبي لفصل مدن القناة

للبلطجية الي في التحرير

للدايرة السوداء الي احنا فيها

لوجع قلب كتير اوي اوي اوي..

قلم واحد على وش بنت ساهم في تفجير كل ده، ولأول مرة بعد 28 يناير 2011 الناس تنزل تاخد حقها بإيدها وتلمس انها تقدر.

وبهذه المناسبة احب اقول لاحمد عارف: “سلمية مين يا عمي الي تتنازل عنها او متتنازلش.. انتو قهرتوا السلمية عند كل الاطراف”

أنا أنكر وغضبانةعلى الثوار ضرب الناس الكبيرة، أنا خالي مربي ذقنه ومبيطقش الاخوان.. مجرد فكرة أنه ممكن حد فيكم يكون مد ايده عليه بتوجع.

استحملتوا كتير وقاومتوا بشرف وقلم واحد فجر كل الي اتعمل فيكم عملتوه في الناس..

دموع بتنزل لما أسامة بعد مقاله “ما بين الاتحادية والمقطم” يقولي “احنا مش الوحش يا اسماء احنا بس بنحاربه”

عن كلامه في آخر المقال:” قال صديقي “فلتحذر عند محاربة الوحوش أن تصير مثلهم..”
كنا دائما ما نسخر من سلمية ثورتنا، لكننا اكتفينا فقط بالسخرية، دافعنا عن نفسنا ساعة الاعتداء، لكننا أبداً لم نبدأه.
كلاً منا تعلمت روحه الطيران، لأن يده لم تلوث يوماً بالدماء.
الثائر ..نبي أرضي، صاحب مباديء لا تتغير حتى يقضي نحبه.
ذلك ما يضمن ثورته، ما يهبها القوة للإستمرار.
في جمعة “رد الكرامة” سقطنا في فخ الدماء، تلوثت أرواحنا، عاملنا الوحش بنفس مبادئه أو قل مساوئه.
نسقط رويداً رويداً في فخ أُعد لنا، فحين يفقد الثائر مبادئه، يضيع ثم يختفي.
للدماء لعنة أصابتهم، يتمنونها لنا، فلنفق قبل أن نسقط في الفخ.”

ده الي عايزاه يوصل لكل الثوار..

مين الي طلع كسبان من معركة امبارح؟ (القيادات؛ أي حد كان محتاج حشد يؤيد موقفه كسب)

احنا كشباب وقفنا شوفنا الموت مع بعض؛ كلنا طلعنا خسرانين..

الثائر الي ضرب خسر مبادئه

والاخواني خسران من زمان صاحبه

والي رافض اللي الاتنين بيعملوه خسران كل حاجة حلم بيها واحتمال تدمر دلوقتي قدامه.

————-

إلى شباب الإخوان: فوقوا بقى؛ بطلوا عند..احنا متربين سوا، ودي لا هي الاخلاق الي اتربينا عليها ولا هي اخلاق ديننا.

إلى شباب الثوار: “فقط لنضع أمانا زياد بكير وعماد عفت ومينا دانيال وجيكيا والحسيني ابو ضيف وكريستي ونسير على طريق النور.
فقط الشهداء طريقنا إلى تحقيق شعار ثورتنا “عيش، حرية، عدالة إجتماعية”. أسامة الشاذلي وبضم صوتي لصوته

————-

في نظرية بتقول “ميولعهاش إلا الدم” وعشان الناس تحس على دمها لازم دم كتير يقع. أنا بكره النظرية دي، وبتوجع من صحابي الي مقتنعين انه دمهم ممكن يساهم في ان الناس تحس على دمها.

دمكم كلكم غالي، ودمكم كله حرام. والناس مش هتحس على دمها إلا اتوجعت في أكل عيشها؛ ده الواقع ولحد ما يتغير. فكروا بطريقة تانية متخليكوش تموتوا.

كاريكاتير رسم بعد حرب غزة 2008 عن االعلاقات العربية الصهيونيةنفس العلاقة بين قيادات الاخوان والمعارضة

كاريكاتير رسم بعد حرب غزة 2008 عن االعلاقات العربية الصهيونية
نفس العلاقة بين قيادات الاخوان والمعارضة

 

مقالات ذات صلة :

قراءة للوضع الحالي: احنا رايحين فين؟

http://bit.ly/11sPnFt

محمد محمود 3

https://lessan7al.wordpress.com/2012/11/20/mm3-documentingagain/

علامات في حياتنا

https://lessan7al.wordpress.com/2012/07/01/testimony/

مجلس الوزراء

https://lessan7al.wordpress.com/2011/12/18/scaf-egyarmy-crimes/

أنا واخدها بايظة أصلا

https://lessan7al.wordpress.com/2011/10/21/scaf_policy_down/

Advertisements

محمد محمود 3- توثيق مستمر

الصور

جانب من محاولات هدم السور – تصوير محمد جرامون

جانب من تظاهرات محمد محمود 19 نوفمبر 2012 – تصوير مصطفى ناجح

صورة للغاز المستخدم 19 نوفمبر 2012

اصابات نتيجة التراشق بالطوب – 19 نوفمبر 2012 تصوير احمد بشارة

تبادل تراشق الطوب في شارع الشيخ ريحان – تصوير مصطفى ناجح 19 نوفمبر

وصول الغاز لميدان التحرير 19 نوفمبر 2012 -تصوير هيثم
justicentric

الشهيد جابر اثناء نقله للمستشفى لعلاجه قبل ان توافيه المنية

تصوير كريم فريد : الأمن على سطح مدرسة الليسيه

الأمن على سطح الليسيه تصوير رشا عزب

الأمن جوة الليسيه – تصوير رشا عزب

الامن على سطح الليسيه- رشا عزب

الغاز من جوة الليسيه – رشا عزب

الغاز في محمد محمود – تصوير ليليان وجدي

عساكر الامن المركزي تلقي بالطوب و الكراسي على المتظاهرين – 20 نوفمبر
تصوير معتز زكي

قنبلةغاز مستخدمة 20 نوفمبر -تصوير كريم فريد

lulu 20 nov افراد الامن اثناء خروجهم من الليسيه للهجوم على المتظاهرين و معهم افراد بزي مدني

الحاجز الخرساني 20نوفمبر محمد محمود تصوير لولو دى ريفان

استمرار الشرطةعلى سطح الليسيه – 8 مساء 20 نوفمبر -تصوير رشا عزب

الاشتباكات في شارع القصر العيني – 20 نوفمبر
تصوير ثامر

حاجز بناه المتظاهرين في بداية محمد محمود -تصوير محمود السيد

قوات الامن تكسر الحاجز الذي بناه المتظاهرين – تصوير محمود السيد

هجوم المدرعات من شارع القصر العيني – تصوير محمود السيد

مدرعات الامن المركزي من شارع القصر العيني – تصوير محمود السيد

مدرعات الامن المركزي في شارع القصر العيني – تصوير محمود السيد

مدرعات الامن المركزي شارع القصر العيني – تصوير محمود السيد

غاز في القصر العيني تصوير محمود السييد

قوات الأمن تغلق شارع القصر العيني-تصويرمحمود السيد

شارع مجلس الوزراء -تصوير ثامر

القاء الغازات على الجامعة الامريكية – 20 نوفمبر محمود السيد

قنابل الغاز في القصر العيني – تصوير محمود السيد

هجوم على الميدان بالغاز 20نوفمبر – تصوير عمرو مليجي

قنابل الغاز تصل ميدان التحرير – تصوير محمد بخيت

جانب من المناوشات الواحدة صباحا (ليل 20 نوفمبر ) -تصوير عمرو مليجي

اصابة طفل بخرطوش 15 سنة- 20 نوفمبر تصوير اسامة علي

اصابة بالخرطوش – تصوير محب عماد

الاشتراكيون الثوريون – مصاب خرطوش 20 نوفمبر

 ألبوم صور لمصوري جريدة الوطن هنا أو هنا

اشتباكات محمد محمود -تصوير زينب

21 نوفمبر – ضرب غاز 10و نصف صباحا لا اشتباكات
تصوير مصطفى فهمي

حريق في احد العمارات(الحريق لمكتب قناة الجزيرة) 11 ونصف صباحا -تصوير مصطفى فهمي
21 نوفمبر

صورة الحريق من بعيد(مكتب قناة الجزيرة) -تصوير عمر كامل 21 نوفمبر

صورة اقرب لاحتراق مكتب الجزيرة – 21 نوفمبر

المطافي تطفأ العمارة(مكتبقناة الجزيرة) -تصوير مصطفى فهمي 21 نوفمبر

محمد محمود 12:30 مساء 21 نوفمبر
تصوير مصطفى فهمي

منصور محمد – قنبلة غاز في شرفة فوق مكدونلدز 4 نص 21 نوفمبر

عساكر امن مركزي من داخل الليسيه -21نومفبر

عسكري امن مركزي داخل مدرسة الليسيه

عساكر بالزي المموه (العسكري) داخل الليسيه -21 نوفمبر

غادة شهبندر – 21 نوفمبر انواع الاصابات

غادة شهبندر – اصابات قطعية بالرأس

azza shaaban -forces upon lycee 230 21 november

gas & fire mm and yousef elgindy 430 21 nov (can’t remember the photographer)

آثار حريق مكتب الجزيرة -تصوير عبد المنعم محمود

الغاز في القصر العيني – تصوير محمود السيد 21 نوفمبر

الغاز في محمد محمود 21 نوفمبر ليلا – تصوير محمود السيد

الغازات عند مجمع التحرير 21 نوفمبرليلا – محمود السيد

فض شارع القصر العيني 21 نومفبر محمود السيد

قنابل الغاز المستخدمة 21 نوفمبر ليلا – محمود السيد

قنابل تطلق من محمد محمود على الميدان — تصوير محمود السيد 21 نوفمبر

المدرعة و الامن المركزي جوة مدرسة الليسيه 22 نوفمبر – تصوير مصطفىitefa

csf solider throwing rocks at prtoesters 22nov lilian wagdy

العساكر يلقون بالرخام من داخل الليسيه 22 نوفمبر تصوير ليليان وجدي

العسكار داخل الليسيه – نوفمبر 22 تصوير ليليان وجدي

عساكر الامن المركزي فوق سطح الليسيه 22 نوفمبر – تصوير ليليان وجدي

عساكر الامن يتفقدون المعركة الدائرة بين الامن المركزي و المتظاهرين 22 نوفمبر تصوير ليليان وجدي

عسكري الامن المركزي يلقي الحجارة على المتظاهرين من داخل ليسيه الحرية 22 نوفمبر ليليان وجدي

عسكري امن مركزي فوق الليسيه يرشق المتظاهرين بالحجارة 22 نوفمبر -تصوير ليليان وجدي

عسكري امن مركزي يشير للمتظاهرين باصبعه تصوير ليليان وجدي 22 نوفمبر

عسكري امن مركزي يلقي طوب على المتظاهرين من داخل الليسيه 22 نوفمبر ليليان وجدي

عناصر امن مركزي بزي مدني 22 نوفمبر تصوير ليليان وجدي

مسئول امني داخل ليسيه الحرية 22 نوفمبر تصوير ليليان وجدي

مسئول امني داخل ليسيه الحرية تصوير ليليان وجدي 22 نوفمبر

مسئول امني داخل ليسيه الحرية تصوير ليليان وجدي 22 نوفمبر

الأمن يلقي المولتوف على المتظاهرين و يصيب المدرسة – تصوير محمود السيد 22 نوفمبر

عساكر الامن يلقون مولتوف من فوق الليسيه -22 نوفمبر محمود السيد

قنبلة غاز في ميدان التحرير 22 نوفمبر 2-تصوير محمود السيد

قنبلة غاز في ميدان التحرير 22 نوفمبر -تصوير محمود السيد

قنابل غاز على التحرير – 22نوفمبر تصوير محمود السيد

شاب مصاب بالخرطوش في المستشفى الميداني 22 نوفمبر تصوير معتز يسري

الغاز في القصر العيني الساعة 450 مساء 23 نوفمبر تصوير بيكو

محمود السيد -عساكر الامن المركزي تهجم على المتظاهرين في القصر العيني

المدرعات في القصر العيني تصوير بيكو 23 نوفمبر

المستشفى الميداني على الرصيف – شرين شاهين 23 نوفمبر

قوات الامن تسد شارع القصر العيني 23 نوفمبر6:40 مساء تصوير محمود السيد

تصوير هيثم – 23 نوفمبر اشتباكات القصر العيني

مصاب بجرح قطعي في الرأس -تصوير محمد عاصي 23 نوفمبر

gas bomb 23 november محمود السيد

الغاز في القصر العيني 810 23 نوفمبر تصوير محمود السيد

قنابل الغاز تشعل اسفل المجمع العلمي و تم اطفائها 820 محمود السيد

كر و فر امام الليسيه 725 مساء 23 نوفمبر -تصوير وائل عباس

24 نوفمبر عساكر الامنالمركزي تستفز المتظاهرين و تلقي الطوب – تصوير bishoy fared

الغاز24 نوفمبر -تصوير غادة شهبندر

مجموعة صور تصوير حليم الشعراني

قنبلة غاز من التحرير 24 نوفمبر تصوير اندرو

450 am قنبلة غاز اطلقت في التحرير -تصوير محمود السيد 25 نوفمبر

الغاز في القصر العينيي 25 نوفمبر -تصوير محمود السيد

الهجوم بالغاز 25 نوفمبر -تصوير عبد الله

الغاز في القصر العينيي 25 نوفمبر -تصوير محمود السيد2

الغاز في القصر العينيي 25 نوفمبر -تصوير محمود السيد3

الغاز في القصر العينيي 25 نوفمبر -تصوير محمود السيد6

الغاز في القصر العينيي 25 نوفمبر -تصوير محمود السيد7

الغاز في القصر العينيي 25 نوفمبر -تصوير محمود السيد8

الغاز في القصر العينيي 25 نوفمبر -تصوير محمود السيد9

الغاز في القصر العينيي 25 نوفمبر -تصوير محمود السيد11

نشوى الشافعي الغاز في الميدان 25 نوفمبر 730

نشوى الشافعي الغاز في وسط الميدان 25 نوفمبر

نشوى الشافعي ضرب الغاز في وسط الميدان 730 صباحا 25 نوفمبر

مدرعات الامن على عتبات الميدان – تصوير محمود السيد 25 نوفمبر

المتظاهرين في مواجهة مدرعات الامن 25 نوفمبر – تصوير محمود السيد

متظاهر في مواجهة مدرعات الامن 25 نوفمبر – تصوير محمود السيد

الجدار الخرساني و الامن امامه 25 نوفمبر تصوير نشوى الشافعي

غازات كثيفة في الميدان – تصوير محمود السيد

الغاز في قلب الميدان 25 نوفمبر -تصوير محمود السيد

الغاز في الميدان 25 نوفمبر -تصوير محمود السيد

الغاز في الميدان -تصوير محمود السيد 25 نوفمبر

مدرعات الامن المركزي على عتبات التحرير – محمود السيد 25 نوفمبر

بداية الهجوم من القصر االعيني – تصوير علي غنيم 25 نوفمبر
8:17am

بداية الهجوم من القصر االعيني – تصوير محمود السيد25 نوفمبر

غاز في الميدان بكثافة – نشوى الشافعي 822 25 نوفمبر

دخول الميدان 822 علي غنيم 25 نوفمبر

قنابل الغاز لايف ستريم رويترز 822 25 نوفمبر

10قنابل غاز في التحرير في نفس الوقت تصوير نشوى الشافعي 25 نوفمبر

قنابل الغاز في التحرير 840 -تصوير محمود السيد

قنابل الغاز في التحرير 840 -تصوير لي غنيم

الغاز في الميدان -محمود السيد 845 25 نوفمبر

الغاز في الميدان – علي غنيم 846 25 نوفمبر

الغاز في الميدان -محمود السيد 849 25 نوفمبر

غاز علي غنيم 851 25 نوفمبر

غاز علي غنيم 855 25 نوفمبر

الغاز في الميدان -محمود السيد 855 25 نوفمبر

قنابل الغاز في التحرير900 -تصوير لي غنيم

الغاز 906 25 نوفمبر محمود السيد

الغاز محمود السيد 910 25 نوفمبر

الغاز 912 تصوير محمود السيد 25 نوفمبر

مصاب خرطوش 1025 تصوير شهاب 25 نوفمبر 2012

استخراج البلي من جسد مصاب 25 نوفمبر

فوارغ الغز و الخرطوش – تصوير خالد العوضي25 نوفمبر

بلية خرطوش مستخرجة من كتف مصاب في التحرير 25 نوفمبر -تصوير محمد عاصي

بلية مستخرجة من كتف مصاب -تصوير د.نرمين عياد 25 نوفمبر

جدار القصر العيني الذي تم بناءه 25 نوفمبر 2012

الضرب عند عمر مكرم فجر 27 نوفمبر تصوير علي غنيم

قنابل الغاز في مجمع التحرير فجر 27 نوفمبر تصوير علي غنيم

قنابل الغاز سيمون بوليفار 27 نوفمبر 6 مساء -تصوير محمود السيد

ا-اسلام ابو العزم 27 نوفمبر 640 قنابل اللغاز في سيمون بوليفار

3 قنابل غاز -تصوير محمد عاصي 28 نوفمبر

7 قنابل غاز -تصوير محمد عاصي 28 نوفمبر في 5 ثواني

Gases in tahrir 28 november reuters live stream

Reuters live stream -28 november tear gas

الغاز في التحرير – 28 نوفمبر صوير محمد DeekTW

الغاز في ميدان التحرير رويترز 28 نوفمبر

الغاز وسط خيام المعتصمين 28 نوفمبر -رويترز

إيجبتوكراسي – 28 نوفمبر قنابل الغاز في الميدان

راجل من اللي بيرجعوا القنابل للامن 28 نوفمبر تصوير محمد عاصي.2jpg

راجل من اللي بيرجعوا القنابل للامن 28 نوفمبر تصوير محمد عاصي

سحب الغاز في التحرير -تصوير محمد عبد الحميد 28 نوفمبر 2012

فوارغ الغز و الخرطوش – تصوير خالد العوضي25 نوفمبر

قنابل الغاز المضروبة صباح 28 نوفمبر -تصوير محمد عاصي

قنابل الغاز في التحرير 28 نوفمبر – تصوير محمد عاصي

قنابل الغاز في التحرير 28 نوفمبر – تصوير محمد عاصي

قنابل الغاز في التحرير 28 نوفمبر – تصوير kikhote

قنابل الغاز لليوم العاشر .. 28 نوفمبر 2012 تصوير مصطفى

محمود سلماني – 6 قنابل في دقيقة واحدة 930 28 نوفمبر

الفيديو


لقطات صورها عمر خضر و جمعتها رصد لبداية الاحداث يوم 19 نوفمبر 2012

الأمن يرشق المتظاهرين بالكراسي و الطوب و ألواح الخشب من فوق سطح الليسيه

سحل وضرب المتظاهرين 24 نوفمبر

نقل الشهيد محمد جابر للمستشفى بعد اصابته

اشتباكات التحرير ومحاولة اقتحام الليسيه

المولوتوف يشتعل بجسد طفل 20 نوفمبر

الامن فوق المدرسة 20 نوفمبر- تصوير لولو دى ريفن

مواجهات يوسف الجندي – تصوير لولو دى ريفان 20 نوفمبر

خروج الامن من المدرسة و هجومهم (مع افراد بزي مدني) على المتظاهرين – تصوير لولو دى ريفان 20 نوفمبر

السيطرة على يوسف الجندي واعتقال من تبقى به – تصوير لولو دى ريفان 20 نوفمبر

20 نوفمبر

20 قوات الامن فوق سطح الليسيه -تصوير محمود جمال الدين نوفمبر

20 قوات الامن فوق سطح الليسيه -تصوير محمود جمال الدين نوفمبر

الامن فوق المدرسة 21 نوفمبر- تصوير مش عارفة

مصرين ايه وداهم هناك

المصري اليوم تغطيبة اشتباكات اليوم الثالث











آثار التعذيب واضحة عليهم

هنا برضه

حالات المستشفى الميداني 23 نوفمبر

سحل وضرب المتظاهرين 24 نوفمبر



روابط البث الحي

الغاز في محمد محمود – قناة ليليان وجدي

بالإضافة لـ8 فيديوهات اخرى حتى اللحظة

الحصيلة

143 مصاب بطلق ناري وكسور و اختناقات  (الصحة لم تحدد نوع الطلق الناري لكن تقريبا رش خرطوش)

محمود سعيد بعد اجراء العملية المصاب يوم 20 نوفمبر برصاصة اخترقت المثانة و الحالب

مصاب بخرطوش في صدره 22 نوفمبر تصوير محمد عاصي

اعتقال 32 شاب من بينهم أحمد ومحمد عاطف والذين اشتكوا من تعذيب شديد في القاهرة و 6 في الاسكندرية (19-20 نوفمبر)

 55 هيتم تحويلهم لنيابات زينهم و28 لنيابة الوايلى فى الجبل اﻷخضر (21 نوفمبر) الاجمالي وفقا للشرطة (118 معتقل) وفقا للمركز القومي للحقوقو الاجتماعية و الاقتصادية 115

الأسماء تحدث هنا

1/203 محمد عاطف بعد خروجه من الحجز و تعرضه للضرب – تصوير مصطفى ناجح

وفاة محمد جابر صلاح الشهير بجيكا مساء يوم 25 نوفمبر بعد 5 ايام من اصابته

وفاة فتحي غريب 50 سنة فجر 27 نوفمبر 2012 بعد استنشاقه الغاز

وفاة أحمد نجيب 18 سنة إكلينيكيا بعد موت جذع المخ

الشهيد جابر و اخر كلماته

شهادات مكتوبة

7  رصاصات في جسد الشهيد جابر (بلي خرطوش)

صهيب سعد اسباب الاحداث و شهادته عن بدايتها

شهادة محمد مرعي 

شهادة عبد الله عن اصابته في عينه

آخر تحديث

28/11/2012

6:25pm

مبقيناش لوحدنا.. عندما يزاحمك عدوك في أرضك!

الثوار لم يعودوا وحدهم يستخدمون الشبكات الاجتماعية 

أسهل وسيلة لنشر اشاعات فعالة هي نشرها عبر منبر موثوق به

إلى الكرام جميعا مساء الخير ..

من امبارح و احنا عمالين توصلنا أخبار مغلوطة وبتنشر القلق بين الناس زي وقوع عدد من المصابين ونصب مستشفى ميداني و المستشفى محتاج حاجات بينما لم يصب أحد في البداية ولم يكن هناك (وليس هناك حتى لحظة كتابة هذه السطور) مستشفى ميداني . النهارده الموضوع اسوء (نظرا لان شغل امبارح مجابش نتيجة) بقى كل شوية يجي اخبار عن شهداء واشتباكات دموية مزعومة..

اسمحولي اقول اني تتبعت اخبار موت اشخاص في ميدان التحرير و بتطلع في الاخر انه صفحة على الفايس عندها كام الف متابع او مستخدم على تويتر له عدد يزيد او يقل عن الالف …

للاسف تويتر شال امكانية معرفة التويتة المرسلة من موبيل او ويب فصعب نعرف التويتة مرسلة منين بس صاحب الخبر بيفضل يأكد على الخبر و يبعته لكل التويبس المشهورين عشان ينشروه و الصفحات بتفضل تعمل سترس على الخبر (بعضهم بيعمل promote وهي خدمة مدفوعة الاجر من فايسبوك لنشر بوست ما) و انشروااااا و انزلواااا الخ ..

مش من حقي اقول لحد انت مش ثائر .. لكن اسمحولي اشكك في نية هؤلاء لعدد من الاسباب

1- الهستيريا غير الطبيعية و الغير مبررة ..

بمعنى في حالة زي قلة العدد الموجودة في التحرير دلؤقتي، لو حد اتصاب اصابة مميتة الناس اللي معاه بينشروا الخبر و يروحوا بيه على المستشفى و المفروض انك تعرفنا ايه اللي حصل بعد كده.. لكن مجرد اعادة نشرك للخبر المبدأي بدون اي اخبار تدعم صحته ده معناه انك  بتستعبطنا

2- تضارب اسماء الموتى

يعني على تويتر يقول انه اسمه جابر كذا و الصفحة تقول انه اسمه حسام  ونفس الصورة.. (الاكيد انه جابر اصيب و خلال كتابة هذه السطور هو في العمليات)

رجاء

1- إلى كل الجرايد و وكالات الانباء و خاصة الالكترونية .. في اختراع اسمه مراسلين .. مش هتقدروا عليهم مش اي حد يعملكم منشن يبقى مصدر موثوق و لا ناشط . خبر واحد ممكن يقلب الدنيا و يتسبب ان ناس تموت

2- إلى مستخدمين تويتر .. متعملش ريتويت لخبر الا اما يكون مؤكد من مصدر موثوق

3- أخبار الوفاة متنشروهاش الا نقلا عن دكتور في المستشفى الميداني او في المستشفى او المشرحة

أنا معرفش مين الناس اللي بتنشر الاخبار دي ولا هما عايزين ايه…الموضوع من اول بيان الداخلية عن ان احياء الذكرى هتكون غير سلمية باين ان هما عايزين فيها دم..

أرجوكم الكلمة المرة دي بروح..محدش ينشر حاجة من غير ما يكون متأكد منها تأكدا تاما 

متستهينوش بالكلمة اللي بتطلع منكم..عشان ممكن تقتل و ممكن تحيي

أسفة ع الازعاج

أسماء

(انا غربتي بتمنعني من المشاركة مشاركة مباشرة لذلك انا  عاجنة الشبكات الاجتماعية و خبزاها و مش هقول كده الا لو حاسة انه في خطر

Tag Cloud

%d bloggers like this: