بعض الشيء عن كل شيء © Asmaa Khairy

Posts tagged ‘sexual harassment’

دافعي عن نفسك، أنتِ في غابة!

مساء الخير عليكِ يا ست الكل

التدوينة دي بدأت بـمناظرة طويلة مع نفسي عشان خاطر أقدر أتناقش مع أي حد في موضوعها وأبقى مستوعبة رأيي بالكامل وأبقى قادرة أتناقش فيه وأدافع عنه، وأعتقد في نفسي أني جاهزة دلوقتي لده.

النهاردة كلامنا هيكون عن حقك كامرأة مصرية في الدفاع عن نفسك بكل الطرق المتاحة ضد التحرش والإعتداء الجنسي؛

هجاوبك على الأسئلة دي:

  • ليه تدافعي عن نفسك؟

  • ده هيحققلك إيه في المجتمع؟

  • وإزاي هيعمل الفرق ده في المجتمع؟ وعلى أي مدى؟

  • ايه الي يتعمل دلوقتي؟

يلا نبدأ ويا رب نقدر ولو بخطوة نوقف منظر زي ده من انه يتكرر:

120907135849fZmp

*****

بدايةً: قانون الغاب يتلخص في كلمتين:

(البقـــــــــــــــاء للأقـــــــــــــــــــــــوى)

أيوة، طب إيه علاقة قانون الغاب بالتحرش؟

ببساطة، الحكومة المصرية حتى الآن معتبرتش التحرش والإعتداء الجنسي في الشارع والمواصلات جريمة، ومفيش قانون يجرمها ومفيش حاجة رادعة للـ “تصرفات” دي.

فبالتالي، الطرف المجني عليه في جرائم التحرش أو الإعتداء الجنسي (أنتِ) ملوش غير قانون واحد يلجأ له في الحالة دي: قانون الغاب.

وبقالنا سنين، أنا وأنتِ الطرف الأضعف في المعادلة. وعشان نتحول لنكون الطرف الأقوى أنا بقدملك طرح يتلخص في العبارة الآتية:

(دافعـــــــــــــي عن نفســـــــــك)

لأن دفاعك عن نفسك –في الوقت الحالي- هو الوسيلة الوحيدة الي تضمني بيها حقك في الحياة في بلدك:

حـــــرة و كـريـمة

*****

نكمل، دلوقتي عندنا جريمة اسمها المتداول تحرش، وهي عبارة عن إعتداء جنسي لفظي أو بدني عليكِ كامرأة.

الجريمة دي ارتكبت ضد المسلمة، والمسيحية، والملحدة وكل النساء المصريات بغض النظر عن اعتقادتهم الدينية. وارتكبت أيضًا ضد الي شعرها مكشوف، والي حاطة مكياج، والمحتشمة والمحجبة والمنتقبة. كمان  ارتكبت ضد البنات الصغيرة الي في ابتدائي، وضد البنات المراهقات والشباب، وضد الكبار. وأخيرًا ارتكبت من قبل رجال من كافة المستويات الإجتماعية والتعليمية ضد نساء من كافة المستويات الإجتماعية والتعليمية.

آثار الجريمة دي على البنت لا حصر لها، ولكن منها:

  1. انتهاك حرمة جسدها
  2. عدم قدرتها على المشي في الشارع بأمان
  3. فقدان الثقة في نفسها وفي المجتمع
  4. فقدان الثقة في الرجال عمومًا
  5. الإنطواء
  6. الإكتئاب

زي ما قولنا سابقًا،  ورغم كل شيء، الدولة حتى الآن لم تعتبر التحرش جريمة ولم تقر قانون لعقاب المتحرش. وكمان، من ضمن المشاكل أنه المجتمع نفسه بيحاول يحتوي المأساة بالصمت والتجاهل. بعض النساء بتسكت وكثير من المتفرجين بيسكتو، في منهم بيتريق، في منهم بيلوم البنت، وفي منهم بيتدخل أداء واجب، ونادرًا ما حد بيتدخل وبيعمل فرق.

وبناء عليه أنا بحس أحيانًا أنه الجريمة دي مش جريمة شخص واحد (المتحرش) لأ دي جريمة مجتمع، جريمة شاركت فيها الدولة والمجتمع بالفعل السلبي.

طب ما إحنا عارفين كل ده، ليه تدافعي عن نفسك؟

نرجع تاني للقانون: البقاء للأقوى

في جريمة ارتكبت ضدك، الجريمة دي مستمرة، وأنتِ مستضعفة، فبالتالي المتحرش هو (الأقوى) في هذه المعادلة. ولكن، حقك أنتِ أنك تكونِ الأقوى، لأنه أنتِ الي بيتم انتهاكك وأنتِ الي لكِ حق مسلوب ومن حقك على الدولة والمجتمع توفير عقاب لهذه الجريمة يحقق، رد اعتبارك، والردع العام لكل المتحرشين، والردع الخاص للمتحرش الي آذاك، وإعادة تأهيل للجاني.

ولكن، ده محصلش، فبالتالي، لازم عشان تبقي أقوى أنتِ الي توفري العقاب ده وتحققي أركانه الأربعة لكل الأطراف التي أجرمت في حقكِ، المجرم الفعلي: المتحرش، والمجرمين بالفعل السلبي: المجتمع والدولة. العقاب ده ببساطة هيكون دفاعك عن نفسك بكل الوسائل المتاحة. في تدوينة سابقة، شرحت بعض من وسائل الدفاع عن النفس زي: استخدام السوائل، محلول الفلفل والشطة، المقص والمبرد ودبوس الطرحة، أو الضرب وفي غيرهم الإلكترك شوك وحاجات لسه مكتشفتهاش.

بكده أكون جاوبتك على أول سؤال، ليه تدافعي عن نفسك؟

*****

نروح بقى للسؤال الثاني وهو طب ده هيحقق ايه في المجتمع؟

زي ما قولنا الأركان الأربعة الي لازم تتوفر في العقاب هي:

  1. رد الإعتبار

  2. الردع الخاص

  3. الردع العام

  4. إعادة التأهيل

في الي يخص رد الإعتبار، دفاعك عن نفسك، وإبعادك للمتحرش عنك هو رد إعتبار لكِ. ده بيرجعلك ثقتك في نفسك، وإحساسك بالأمان في الشارع. وبيجعلك الأقوى في المعادلة. قدام المجتمع بتكوني أنثى غير منتهكة ومحدش له عندك حاجة. قدام نفسك بتكوني قوية وقدام المتحرش بتكوني خطر عليه.

تاني حاجة، لما أنتِ تدافعي عن نفسك وتضربي المتحرش مثلًا فانتِ كده بتخليه مرعوب من أنه يقوم بالفعل نفسه تجاه أي بنت تانية، لأنه هيخاف على نفسه يكون رد فعلها نفس رد فعلك. هيدرك أنه الفعل الي هو بيعمله ده له ثمن غالٍ هيدفعه من جسمه ومن كرامته.

التالتة، الردع العام، في مجتمع بيتفرج، وكتر خير الدنيا المجتمع بتاعنا رغاي. كل الي شاف أو سمع بأنكِ ضربتِ الرجل الي اتحرش بيكِ هيخاف يقرب من أي بنت ليكون رد فعلها زيك. في احتمال يحس أنك مهددة، فيسيب فعله السلبي ويتحرك لحمايتك (لو مش عشانك عشان خايف يتقال المجتمع مفيهوش راجل؛ ولنرض بها للآن). وأقل حاجة لو ده حصل في منطقة سكنك، أو دراستك، أو شغلك، هيتعرف أنه البنت دي مبتسيبش حقها، فاحسنلك متقربلهاش.

الأخيرة، إعادة التأهيل ودي حدوتة طويلة أوي.

في القانون العادي إعادة التأهيل بتكون للجاني فقط: المتحرش في حالتنا. في قانون الغاب وتحديدًا مع حالتنا دي إعادة التأهيل مش هتكون للمتحرش فقط، لكن لكل المجتمع بفئاته المختلفة وخليني ألخصهم عشان مطولش عليكِ

  1. نساء المجتمع هيحسوا مع تكرر الأمر وإستردادك لحقكِ أنه في أمل، وأنه في طريقة يسترجعوا بيها حقوقهم وأنهم بكده مبيخالفوش أي دين ولا قانون وهيقدروا يعيشوا بكرامة. غير كده، بره حالة التحرش، المرأة المصرية، بسببكِ، هيتكون عندها إيمان إن هي لديها القدرة على تغير الوضع القائم.
  2. الرجل، هيبطل يشوف كل بنت تم التحرش بيها كطوبة في الشارع محدش جابها هناك هي الي جابت نفسها هنا فهيا الي جابته لنفسها ومن حق اي حد يشوفها. الرجل، المتحرش أو السلبي هيبدأ تتكون قدامه فكرة امرأة مختلفة، امرأة قوية ومستقلة وغير منتظرة لا لرجل ولا لمجتمع ليحميها وعندها القدرة لحماية نفسها. هيتكون جواه رهبة منكِ وإحترام لكِ مع الوقت مش هيتهزوا بسهولة.
  3. المجتمع هيبطل يقف يتفرج، لأنه التهديد دلوقتي أصبح لكل أركانه مش الركن الضعيف فيه. وللأسف مجتمعنا ذكوري؛ فالخطر على الرجل هيحركه أسرع. هيتدخل المجتمع عشان يمنع الظاهرة دي الأول بكبتك، لما تصري على موقفك هيخاف على صورة الراجل لتتهز فيقوم هو بنفسه بردع المتحرش وإبعاده عنك واعتبار التحرش جريمة لأنه لو المتحرش تحول لفرد عادي في المجتمع مش مجرم والفرد ده بيتهزأ وبيهان كل ما يقرب من بنت فده بيسيء بدوره لكل أفراد المجتمع الرجال. هتكوني قدرتي ساعتها تخلي الراجل يحترم نفسه، لأنه المفروض مفيش راجل يعتدي على أنثى، والمفروض مفيش راجل يتضرب من ست. وكمان هتبدأي ضغط مجتمعي على الدولة للفظ الكائن المتحرش ده من المجتمع اليومي، باعتباره مجرم، فبالتالي هتحققي لنفسك شيء مهم جدًا، وهو اعتبار الفعل ده جريمة واعتبارك ضحية واعتبار المتحرش جاني وتوفير الحماية لك من الدولة.
  4. الدولة، مع الضغط المجتمعي هتكون مضطرة تقوم بعمل قانون، و تنفيذه. القانون ده المفروض يحقق برضه المعايير الأربعة وكان لي اقتراح في تدوينة سابقة أنه يبدأ من غرامة وحبس 3 أيام إلى حبس سنة أو 3 سنين في حالة تكرار الفعل. وتفسيري لده كان:  المتحرش سلب حق من حقوق المرأة والمجتمع، في حالة القبض على المتحرش لأول مرة وتغريمه وحبسه ثلاث أيام هيبقى عبارة عن إنذار للجاني ورد اعتبار للضحية. لو تم تكرار الفعلة والقبض على الجاني تاني يبقى الحل هو حبسه وحرمانه من حق الحرية  المقابل لحرمانه لضحيته من حقها في ان تمشي بامان دون إيذائها او امتهان كرامتها، ومقابل استهزائه بالمجتمع وبالدولة لأنه  لم يتعظ من الحبس والغرامة، ومقابل سلبه الأمان من المجتمع بفعلته. فيحبس سنة او ثلاثة حسب تقدير المشرع ويقام خلالها اعادة تأهيله عشان نبقى قضينا على “المرض” اللي عنده.

ده الي هيحققه دفاعك عن نفسك على المدى القريب والمدى البعيد. طب دلوقتي نعمل ايه؟

*****

دلوقتي، ابدأي ودافعي عن نفسك بأي وسيلة متاحة لكِ. واتكلمي، اكتبي على النت أو ابعتي لأي حد له صوت وانتشار ينشر عنك لو مكسوفة أو خايفة انه تكتبي باسمك. خلي الناس تعرف أنك مش هتسيبي حقك. قولي لأهلك وصارحيهم أنا بتعرض للإنتهاك ده، وطول ما المجتمع سلبي أنا هجيب حقي بنفسي.

أنتِ الوحيدة الي تقدري ترجعي حقك دلوقتي، وأنتِ الي بإيدك تقلبي المعادلة، وتحطي نفسك في موضع القوة، وتحطيني، وتحطي اختك، ووالدتك وبنتك وكل بنات المجتمع في كفة القوة. أنتِ قوية وتقدري.

آمني بده…

*****

وأخيرًا، عزيزي الرجل:

الأب أو الأخ أو العائلة: امنحوا بناتكم حق الدفاع عن أنفسهم وثقوا أنهم يقدروا، وارجعوا اقرأوا من الأول واعرفوا مدى التغيير الي ممكن يحدثوه.

المتفرج: متقفش ساكت، قولها عنك وامسك المتحرش اديله علقة عمره، حسس البنت أنه في المجتمع راجل أخر غير الحيوان ده، وحسس الحيوان ده أنه في راجل مش شبهه ومش هسيب حق البنت يضيع في ايده.

المتحرش: تاني وتالت ورابع، لو مش خايف على امك واختك وبنتك ومراتك، خاف على نفسك؛ لأننا بطلنا نسكت.

426618_440213086030773_1586921219_n

 لو متفق معايا: انشرها.. لو مختلف: نتناقش 

أسماء

دافعي عن نفسك It’s a 0-sum game

مساء الخير عليكِ أنتِ يا ست الكل

مساء الخير على كل أب وأخ خايفين يعرفوا الي بيحصل لبناتهم كل ما ينزلوا الشارع

مساء الخير على كل رجل حاسس بالعجز قصاد الي بيحصل بشكل يومي لأخته، وأمه وبنته ومراته

أنا أسفة لإحساسكم جميعًا…

تخيل صورة للتحرش

متصورة دلوقتي أنه مر عليك (كرجل) أسوء موقف للتحرش شفته في حياتك، أو أبشع خاطرة عنه، وأنه للأسف، لو امرأة فأنا آسفة ع الي جيه في بالك..

بقالي كام يوم في قمة العصبية بسبب موضوع التحرش.  بسبب كل الأفكار المقرفة الي بتيجي في بالي، وكل القصص الي *كل يوم بسمعها* وإحساسي بالعجز أنه مش قادرة أعمل حاجة. والنهاردة بأمانة فاض بيا، ومبقتش قادرة أكتم في نفسي وبقيت بجد عايزة أصرخ بأعلى صوت

دافعي عن نفسك

اعملي أي حاجة تدافعي بيها عن نفسي؛ بس متصرخيش لأنه الي هيتلم حواليكي في 80% من الحالات هيزعقلك أنت، ومتسنتجديش بحد لأنه ممكن يأذيكي أكتر من المتحرش نفسه. تخيلي العالم كله مفيهوش حد غير المتحرش وأنتِ، وأنه هو بيسرق منك الحق في الحياة كريمة، وفي السعادة والرضا عن نفسك؛ دافعي عن نفسك.

أولًا وقبل ما أبدأ، التدوينة دي مقتضبة جدًا لأني بجد مخنوقة.. ربما أسهب فيما بعد…

ثانيًا الي معترض يا ريت يتخيل إحساس الواحدة فينا كأنها طوبة أو زلطة في الشارع وكل من هب ودب بيشوط فيها…

إزاي ممكن تدافعي عن نفسك؟

السوائل:

السوائل دي أبسط حاجة ممكن تستخدميها، حسيتي في حد هيقرب منك وهيأذيكي تأهبي ولما يقرب ادلقي مية، بيبسي، مياه فوارة أو كلور على وشه وحاولي تنشني على عينه.

ده هيديكي وقت تتحركي بعيد عنه، وممكن يخوفه ويخليه هو يجري بعيد عنك. ده كله لو في حالة حد جاي من الجنب أو بعجلة أو من قدامك

دبوس الطرحة:

دبوس الطرحة برده من ابسط  الوسائل الي ممكن تدافعي بيها عن نفسك، لو أنت بتركبي ميكروباصات أو أتوبيسات وحد حاول يلزق فيكي أو يقعد جنبك، شيلي دبوس طرحة وارزعيه في رجله. لو حد سألك ليه كده يا آنسة، قوليلهم بيتحرش بيا وبيلزق فيا وأنا مش هسمح لحد يملسني.

المقص الصغير أو المبرد:

في مقصات صغيرة كده، مقبضها عامل زي الخاتم او اكبر سنة، المقص ده وانت ماشية في اي حتة خليكي لابساه زي الخاتم، لو في ميكروباص حطيه على رجلك واضح لو حسيتي في حد جنبك ممكن يأذيكي ولو حد قربلك نفس الي عملتيه بدبوس الطرحة اعمليه هنا.

محلول الفلفل والشطة والخل:

روحي عند أي عطار ابن حلال من الي بيعملوا برفانات تركيب، واعملي اي برفان رخيص وارجعي البيت، افتحي الزجاجة الي هو ادهالك، فضي محتوياتها في الحوض وحطي فيها

معلقة شطة، ومعلقة فلفل وامليها بالخل

وأي حد يقرب منك في أي حتة رشيها في عينه

لفي وبالقلم على وشه:

لو المتحرش جه من ورا، جهزي نفسك وجسمك كله بأنك تلفي بايدك وبتقل جسمك كله تنزلي على وشه.

في ورش دفاع عن النفس بيعلن عنها كل فترة على شفت تحرش، حاولي تحضري واحدة لو تقدري، هتفرق جدًا معاكِ

عزيزي الرجل -المحترم فقط،

أعتذر منك أنه شبه مستحيل دلوقتي تحمينا من أمراض المجتمع، لكن أرجوك  امنح ابنتك، زوجتك، والدتك وأختك كل الحق في الدفاع عن نفسها. كن أنت الداعم لنا لنسترد حقنا في الحياة بكرامة.

الحقير المتحرش،

لو مش خايف على امك واختك وزوجتك وبنتك، خاف على نفسك .. لأننا. مش . هنسكت

اللافتات الي كانت بتترفع في كل إيفنت ضد التحرش مش هتعمل حاجة، والدولة مش هتعمل قانون يمنع التحرش إلا بعد مليون سنة، اللعبة لم تعد تتسع لمصالح مشتركة، إما تكسبي كرامتك، وإما تخسريها.. يا تكسبي كل حاجة.. يا تخسري كل حاجة..

دافعي عن نفسك

426618_440213086030773_1586921219_n

أسماء

 

 

P.s. SHARE IT

Men’s Unemployment and Women’s social status

This is an academic paper that I addressed Egyptian women’s social status in. Feed back is highly valued (Updated)

© All copy rights reserved 

2013 | Qatar University 

Asmaa Khairy

Submitted to Dr. Melissa Mullins 

25th of May 2013 

This paper argues that men’s unemployment in Egypt affect women’s social status badly. It examines the different manners of exploitation and offers some solutions.

Effect of Men’s unemployment on women’s social status

“A plumber killed his wife and his children due to financial problems” (artrick, 2012) such a title is becoming very common for us to see in the everyday Egyptian news. The plumber said his wife cheated on him, and he decided to kill her without any evidence. However, during the investigation he says he killed her due financial problems that aroused shortly after her father died and him returning from Libya. Such incidents should have urged the society to ask, how bad is the effect of men’s unemployment on women’s social status in Egypt, sadly it didn’t. Egyptian woman are subjected everyday to abuses in the society for example sexual harassment, brutal beating, and sometimes murder. Many people justify abuses such as sexual harassments saying “They are unemployed and they cannot get married, this is why they misbehave.” Men’s financial status turned into a legit justification and a tolerable excuse of any abuse. What happens to women under that social cover of their abuses? Men’s unemployment and the decline of economic standards are increasing in Egypt and so is women’s exploitation. In my paper I argue that the higher the rate of Men’s unemployment, the higher the rate of women exploitation.

IMF reports that during 2011 alone unemployment rose in Egypt by 3.5% (Ahmed, 2012) given that it was already high in 2009 to the rate of 9.4% of the working force (bayoumy, 2009). That means that right now, out of the 25M workforce there are over 3.22M that are unemployed. In the MENA area, not just Egypt, the manhood comes from the “sovereignty” of men over their families, and their financial issues. In cases of unemployment, the family has no choice but sending the woman to work. Problems blast when unemployed men realize that they lose their sovereignty once their women become the supporters of their families. It’s an unacceptable norm that a man sits at home and the woman goes to work. It is labeled in the society as a disgrace. As a result, women go to the work force, feeling unprotected, because a man who won’t support a woman won’t protect her. She also walks into a society that blames her for not only the unemployment of her husband, but for any abuse that she’s subjected to.

Sexual Harassment is one of the brutal attacks that an Egyptian woman has to deal with on daily basis. All Egyptian women, in any manner of dress got subjected to it, even veiled women in Nikab. It starts with nasty sexual words and turns into brutal sexual actions, that sometimes turns into rape. The ugly thing is that if a woman calls out for help, people gather, and shout at her for crying out loud in the street and blaming a man for something they can’t prove as “She is a woman”.  But, what does the other side has to say about it? How do they justify their doings? “We are depressed, we can’t find jobs and money, and what do you expect?” says one young man (Maqbool, 2013) another adds voluntarily: “You can’t help it!” (Maqbool, 2013) While the third ends the conversation saying “They shouldn’t come here!” (Maqbool, 2013). These responses highlight the rejection of such men of women. They see the woman that is a supporter in a higher status than his, and that is one of the reason they harass her for. Wrapping up this point, sexual harassment is a brutal social attack of which women are daily subjected to, that is attributed to unemployment of men.

Brutal beating and murder are other forms of violence against women. A few weeks ago a man beat his wife to death, because he wanted her to sign him a check and she refused (Gad, 2013). The woman’s brother told the press that the husband usually beats his sister, and he never thought she would die of it. The plumber above kills his wife and two daughters out of financial reasons (artrick, 2012) and tries to put his murder in a socially accepted manner, as in “the-suspected- cheating wife”. However, in order to justify the killing of his two daughters he said “I felt that I should give them away for the sake of Egypt!” (artrick, 2012). Men’s financial status and unemployment were behind both murders.

I argue that the solutions to such situations exist; they could be implemented by social engineering and a political call. By social engineering I mean forcing new ideologies and norms on the society, through media or education. This engineering will help the society accept the working woman and her status. It would eventually decrease and put an end to some of the abuses women are subjected to. On the other hand, a political call can be implemented in a parallel manner between the economical and legal approach. The economical approach is based on generating more jobs and employing the unemployed. The legal approach would be towards putting harsh sanctions upon sexual harassers and those who commit family violence of any kind.

Blinking crime reports on the news may sound so cliché, but at the end of the day they report from the aching heart of the society, where one pulse might change the world. One tiny article on one murdered woman must lead us to ask why? Answering this question will help us save the others, if we act fast enough and wise enough.

Reference Sheet

Ahmed, M. (2012, June). Youth Unemployment in the MENA Region: Determinants and Challenges. the World Economic Forum’s Addressing the 100 Million Youth Challenge—Perspectives on Youth Employment in the Arab World in 2012.

artrick. (2012). A plumber kills his wife. Egypt. Retrieved from http://artrick.blogspot.com/2012/01/blog-post_08.html

bayoumy, Y. (2009, May). Egyptian unemployment is set to rise from around 9 percent now because the most populous Arab country is not sustaining high enough economic growth to support its population, the trade minister said on Saturday. Reuters.

Gad, A. (2013, March 4). Egyptian beats his wife to death. Dostor.

Maqbool, A. (2013, Feb 15). Why are sex attacks on the rise in Tahrir Square? BBC.

مصر القوية ونظرية غلاف البونبوناية والتحرش!

مساء الخير..

120907135849fZmp

بدون مقدمات خلينا نسمع رأي الجمهور:

“الحجاب بيحمي من التحرش”

“لو هيا لابسة كويس مكنش حد هيقربلها”

“البنات المش محترمة هما اللي بيجيبو الكلام للناس المحترمة، ما هو طبعا هيخاف يقربل للمش محترمة لتبهدله”

إلى نهاية هذه الآراء التي تتهم المرأة بكونها السبب الرئيسي في ظاهرة التحرش، إضافة إلى الغلاء ومرتبات الحكومة اللي مش مخلية الرجالة تعرف تتجوز. كأن اللي بيرتكب الفعل مش الراجل.

ثانيا..

شوية معلومات عني:

أنا مواطنة مصرية مغتربة، عايشة في قطر. عندي 20 سنة تقريبا 14 منهم عيشتهم في مصر.ركبت مواصلات عامة من أول الاتوبيس لحد التاكسي وفي الاسكندرية التورماي.

الردود المتوقعة قبل ما أعرض رأيي

– أنتي عايشة بره ومش حاسة باللي عايشين هنا

-أنتي ملكيش حق تتكلمي طالما مش بتتعرضي للمشكلة يوميا

-أنتي إزاي تبقي ضد الفكرة اللي بتحميكي من الأذى

إلى أخره برضه من الآراء الأورينتد حوالين الفكرة بتاعة “انتي مش حاسة بالوجع فمتشتكيش”

لو هتقولي أي رأي من اللي فوق فنصيحة (عشانك والله مش عشاني) متكملش قراية بدل ما تحرق دمك وتوجع قلبي.  شكرًا

من شوية بدأت مبادرة “أنا مش هسكت على التحرش” و”شفت تحرش” الدعوة لسلسلة بشرية للاعتراض على تخصيص مواصلات للسيدات فقط؛ الفكرة التي طرحها حزب مصر القوية. ولما عرضت رأيي على الفايسبوك بدعم الفكرة جالي انتقاد حاد جدا من أحد الأشخاص. الاعتراض مبني على انه اي تحرك ضد الفكرة مرفوض وأنه الستات محتاجة ده وأنه لو انتي مبتركبيش مواصلات عامة كل يوم متتكلميش. 

وخليني أرتب أفكاري معاكم

  • أولًا: أنا ليه ضد مبادرة مصر القوية! 
  • ثانيًا: أنا ليه مع التحرك لرفض المبادرة! 
  • ثالثًا: ايه البديل اللي عندي؟
  • رابعًا: أنا ليه ضد التحرش!

أنا ضد مبادرة مصر القوية لتخصيص مواصلات للسيدات فقط لأسباب كتيرة الأولى، المبادرة دي عبارة عن مسكن للألم؛ وممكن يخلي المشكلة تتفاقم من غير ما نحس بيها، يعني ببساطة، السيدة اللي هتركب في المواصلات دي مش هتتعرض للتحرش وبالتالي هتتخيل انه انتهى مع ان في سيدة تانية ربما لن تكون لديها القدرة لركوب المواصلات دي ممكن تكون بتتعرض في الوقت ذاته لتحرض افظع من التحرش اللي تعرضتله السيدة الأولى. بالإضافة إلى أنه هيقنع الرأي العام أنه تم إيجاد حل للتحرض وبالتالي في هيتولد في ضمير الرأي العام فكرة أنه التحرش انتهى وأنه دوره لمنعه أصبح مش لازم، فبالتالي المتحرشين هيحسو بأمان وهيعربدوا ويعيثوا فيها فسادا! السبب التاني أنه بتوفيرك للمواصلات دي، ممكن المتحرش ياخدها كاشارة خضراء؛ السيدة التي لن تستقل هذه المواصلات تريد التحرش بها، ومعتقدش المتحرش بس ، المجتمع كله ممكن يقول نفس الكلمة. السبب التالت أنه التحرش مشكلة زي السرطان متفشية في المجتمع كله، كونك توجدلي حل يعزلني عن المتحرش مش معناه انك منعت التحرش، انت فقط منعت فئة قليلة من التعرض للتحرش. السبب الرابع، أن التحرش مش بيحصل في المواصلات بس، والفكرة دي مش هتمنع التحرش في الشوراع. غير كده، المبادرة بتكرس لفكرة “البنات هما السبب” وأنه “عزلهم” هو الحل والأريح لينا وليهم، وبافتراض حسن النية أو سوءها، ده ممكن يمهد لعزل النساء عن المجتمع تاني بحجة حمايتهم وده مرفوض تماما. والسبب الأخير، أنه حل زي ده بيبرهن وبقوة أنه المصريين عندهم مشكلة رهيبة في مهارات حل المشكلات problem solving.

ثانيًا، أنا ليه مع التحرك لرفض الفكرة؟ بالنسبة لي فكرة السلسلة البشرية الرافضة هتولد مناظرة مجتمعية بين الفكرتين. والمناظرة بالنسبة لي هي حوار مجتمعي راقي بيتم فيه تبادل الآراء دون احتكاك ودون مشاكل. والمناظرة مطلوبة في مواضيع زي دي ومطلوبة لاجبار المجتمع على المشاركة في طرح حلول لمشاكله الاجتماعية (مش فالحين بس نفتي في السياسة) مش أخذ دور المتفرج.

ثالثًا، البديل. البديل عندي هو تجريم التحرش، وتعريض المتحرش لعقوبة تبدأ من غرامة وحبس 3 ايام إلى حبس سنة أو ثلاث سنوات إذا تكرر التحرش. ليه العقوبة دي بالذات، لأن أنا لما أجي أحط عقوبة لازم يبقى في بالي الردع العام والخاص ورد الاعتبار للضحية والمجتمع وإعادة تأهيل الجاني. المتحرش سلب حق من حقوق المرأة والمجتمع، في حالة القبض على المتحرش لأول مرة وتغريمه وحبسه ثلاث أيام هيبقى عبارة عن إنذار للجاني ورد اعتبار للضحية. لو تم تكرار الفعلة والقبض على الجاني تاني يبقى الحل هو حبسه وحرمانه من حق الحرية  المقابل لحرمانه لضحيته من حقها في ان تمشي بامان دون إيذائها او امتهان كرامتها، ومقابل استهزائه بالمجتمع وبالدولة لأنه  لم يتعظ من الحبس والغرامة، ومقابل سلبه الأمان من المجتمع بفعلته. فيحبس سنة او ثلاثة حسب تقدير المشرع ويقام خلالها اعادة تأهيله عشان نبقى قضينا على “المرض” اللي عنده.

رابعًا، أنا ليه ضد التحرش؟ أنا ضد التحرش لأن من حقي أمشي بأمان في الشارع من غير ما حد يتعرضلي لفظيا أو جسديا أيا كان شكلي أو لبسي أو لوني أو ديني. لأن لبس المرأة كان ساتر كان فاضح مهواش دعوة لأي شخص للتحرش بالمرأة أو رفضا لتحرشه بيها. في ناس هترد عليا تقولي ربنا قال احتشمن، أيوة ربنا قالي احتشمي ولو أنا محتشمتش ابقى عصيت ربنا وربنا هو اللي يحاسبني مش المتحرش صح؟ ده غير أنه ربني زي ما قالي احتشمي قال للراجل يغض بصره عني، والمتحشمة قبل “المتبرجة”.

أخيرا، إلى أعضاء حزب مصر القوية أنا مش بونبوناية عشان تعزلني وتغلفني عشان تحميني من الدبان. أنا عضوة عاملة فعالة في المجتمع، من حقي أشارك في كل حاجة فيه، عليا ليه واجبات وليا عنده حقوق. والمتحرش مش كائن متطفل على المجتمع، المتحرش عضو فاسد فيه، وبيخل بواجباته ناحيته وناحيتي. دورك، أنك توفرلي حقي في الأمان بأنك تحميني من وجود ظاهرة التحرش، مش تبعدني عنها. دورك أنك تعاقب المتحرش وترد ليا وللمجتمع اعتباره وتأهل المتحرش أن يرجع المجتمع ويكون عضو فاعل ومفيد فيه. الفكرة ممكن تلاقي استحسانًا؛ بس ده مش معناه أنها صح، ده إن دل، يدل على أن احنا بنستسهل.

شكرا ..

أسماء

Tag Cloud

%d bloggers like this: