و أخيرا ، أصبح للمغتربين حق التصويت !
يمكنكم الآن الدخول علىموقع اللجنة العليا للانتخابات للتسجيل في قوائم الخارج ، كل ما تحتاجونه هو رقمكم القومي المسجل في ( بطاقتكم ، أو جواز السفر الجديد ، أو شهادة الميلاد الإلكترونية ) و ملء بعض البيانات !
ملحوظة : آليات التصويت سيتم إعلانها بعد إصدار القوانين المشرعة لها على الموقع نفسه !
http://www.elections.eg/ocv/registration
اذهب إلى موقع اللجنة العليا للانتخابات
سيظهر لك الموقع كما هو مبين في الصورة التالية
توجه إلى خانة المصريين في الخارج و ادخل رقمك القومي في المكان المخصص
لاحظ المعلومات المظللة في الصورة !
اضغط على تغييرلمقار الخارج
سيطلب منك المعلومات المبينة بالأسفل
إذا تعذر التسجيل بسبب اسم الأم ، ادخل اسم الجد كذلك
يتوجب عليك ملىء الخانات المشار إليها بـ( * ) إلا إذا اردت ملىء الباقي
عند اتمام التسجيل ستظهر لك الرسالة التالية
احرص على حفظ الرقم لأنك ستحتاجه لاحقا!
لتعم الفائدة ارسل هذه الرسالة لكل مغترب تعرفه
تذكر صوتك له قيمة !
احرص عليه !
مع تحيات مجموعة حق التصويت للمصريين المغتربين
لسـان حال 
Thanks alooooooot 🙂
Any time , please share it w/ whom you know
كيفية التسجيل على موقع اللجنة العليا للانتخابات
هو انا ممكن اسالك سؤال انتى حاطه الايك بوكس والتوتير بوكس ازاى لانى البلوج بتاعى ورد بريس ومجنانى فى الحوار ده وحاولت اكتر من مره
انا محطيتهمش .. انا كنت زمان بستخدم ثيم تاني و مكنش شغال ، عمل ىبديت لنفسه لما غيرت الثيم
خالص شكرى وامتنانى لشخصكم الكريم على هذا المجهود ويارب نجد ان كل المصريين تكون لديهم هذة الهمم وهذا العزم والتصميم للعبور بالثورة الى مايحقق آمال شعبنا العظيم , اسمحى لى باضافتكم على مدونتى ومتابعة وربما نقل مايمكننى ان يفيد فى هذة الناحية , كتبت موضوع فى نفس المعنى وفوجئت بموضوعكم وكم ادخل فى قلبى السرور
اسمحى لى بالمتابعة معكموغاية شكرى وامتنانى لشخصكم المصرى الاصيل
أكيد طبعا ، لكم مطلق الحرية في ذلك
إذا كنت مهتما بموضوع الحقوق السياسية للمغتربين يمكنك متابعتنا على
الفايسبوك facebook.com/right2vote
تويتر : @right_2_vote
ارجو المساعدة كلما اقوم بملء الخانات تظهر رسالة بانه سيتوجب زهابى الى السفارة كما انى لا اعلم رقم جواز السفر لان الجواز فى مكان العمل هل لابد من وضع الرقم ام لا
لا بد لك من تسجيل رقم الجواز
هل يمكنك الحصول على نسخة من الجواز من العمل .. فقط للحصول على الرقم ؟
لا يتوجب عليك الذهاب إلى السفارة لأن وزير الخارجية نفى ان يكون هناك تسجيل في السفارات
معلش يا جماعة محتاجة مساعدتكم
اختي كانت بتسجل واكملت التسجيل وظهر الرقم
لكن للاسف الشاشة اختفت قبل ما تلحق تسجله ولم يصلها على الايميل
هل في طريقة لاستعادة او معرفته؟
شكرا جزيلا
لا علم لدي عن كيفية استعادته ، لكن دعيها تجرب التسجيل مرة اخرى !
لو سمحتوا … انا كل ما اسجل يظهرلى ان اسم الام خطأ مع انى كاتبه صح … ايه الحل ؟
جرب كتابة اسم الام و الجد معا !
المشكلة ديه حصلت معايا
بس هي ساعات بتختلف في كتابة الاسم نفسها
يعني مثلا ممكن اسم الام تكون هاديه وانتي بتكتبيها هادية
بالنسبة للرقم الذى يظهر للمواطن، فسيتم اضافة خدمة للاستعلام عنه فى حالة فقده من خلال الموقع
أستأذنك يا فندم في المصدر !!
انا مش فاهم حاجة خالص علشان دي اول مرة ليا اشارك في حاجة ذي كده بس لازم اشارك وياريت لو حد يفهمني.
1- انا بره مصر وسجلت وخدت رقم التسجيل
2- انا من السيدة زينب عايز اعرف بقي هصوت ازاي ولا هعمل ايه
بصراحة مش عارف راسي من رجلي وياريت لو حد يتكرم ويمشي معايا خطوة بخطوة … شكرا
مساء الخير يا فندم
في البداية شكرا لاهتمامك بحقك و بصوتك
و بعد ،
احنا خدنا حق التصويت بحكم القضاء الاداري يوم 25 اكتوبر، مما الزم الحكومة و المجلس العسكري و اللجنة العليا للانتخابات بتفعيل الحق ده و الا الانتخابات تبطل
و عشان نصوت في الانتخابات الجاية في تشريعات و قوانين لازم تتغير ، و بناء على التغييرات دي هتكون آلية التصويت ، عشان الحكومة متضيعش وقت اعلنت عن فتح باب التسجيل لحصر الاعداد و الاماكن ، اللي برده هتساعد في تحديد الالية !
التصويت حتى الان هيكون في السفارة او القنصلية ، إزاي لم يتم الإعلان بعد !
أنا عندي إيميل حضرتك و أول ما يجد جديد سأبلغ حضرتك شخصيا !
مرة تانية شكرا لاهتمامك
أسماء خيري
مساء الخير,
لم اجد اللينك المذكور بالأسفل حتى ادخل بياناتى، رجاء المساعده.
اضغط على تغييرلمقار الخارج
محمد شوقى
مساء النور استاذ محمد
في البداية يجب ان تستعلم عن رقمك القومي
بعد ذلك ستظهر لك الدوائر المسجل بها رقمك
بعد ذلك ستجد خيار (التغيير لمقار الخارج )
احرص على الاستعلام في خانة المصريين في الخارج – طلب التصويت بالخارج و ليس الصفحة الرئيسية
اذا لم تظهر لك حاول مرة أخرى
انا كملت كل البيانات واخر خطوه الى هيا ادخال الكلمه مش بتقبل
طيب حضرتك اطلع فوق الصفحة خالص و شوف اذا كان الغلط من الكلمات ام من حاجة تانية .. هتلاقي مكتوب بالاحمر
فى البيانات الى انا كتبتها ولا فى مكان تانى
وبعدين الكيبورد مش بتقبل عربى انجليزى بس فى الارقام
في البيانات اللي حضرتك كتبتها
الارقام العربية هيا 123
و الهندية هيا واحد اثنين ثلاثة
المهم
حضرتك تدخل البيانات باللغة العربية و لو اسم الام هو اللي خطأ جرب ادخال اسمها الثنائي او الثلاثي
لو سمحت, أنا دلوقتى لو سجلت , بعد كده لما أخلص شغلى بره و أرجع مصر هاعرف أرجع أصوت تانى من مصر,و لا هيبقى مقرى السفارة إللى أنا نقلت عنوانى عليها؟؟!!!
من المفترض ان تستطيع التصويت اذا عدت إلى مصر في لجنتك الطبيعية !
لكن لم تصدر الحكومة بعد اي تصريحات بهذا الشأن
اسما سلام عليكم شكرا لمجهوداتك اللى لمسناها على تويتر والفيس بوك من اجل مشاركة المصريين فى الخارج للانتخاب
انا بعمل موضوع عن تسجيل المصريين بالخارج من خلال موقع الانتخابات لجريدة اليوم السابع
طبعاً فى ناس ليهم استفسارات كتير خاصة انهم كانوا بسألوا على رسالة تظهر لهم عند التسجيل فى موضوع الانتخابات الرئاسية مثلا او اى انتخابات قادمة؛ فرضاً انهم رجعوا لمصر هل ستظل اسمائهم مرفوعة من قوائم الانتخابات فى بلدهم ولن يستطيعوا الانتخاب فى حالة تواجدهم ؛ والالية الانتخابات بعد الحكم بعد نزول الحزب الوطنى. المهم انا كنت عايزة اعرف رأيك فى الموضوع . وهل السفارة قدمت اى ارشادات او مساعدة لكم لتسهيل هذه العملية وهل هناك صعوبات اخرى واجهها البعض
ارجو مراسلتى على البريد الالكترونى وشكرا لك
لا شكر على واجب أ/ نانسي ..
سأرسل لك الرد على الإيميل خلال الساعتين القادمتين !
برجاء الرد هنا او على الايميل على نفس الموضوع لاهميته لدى ايضا مع خالص شكرى
د محمد شداد
حاضر يا فندم !
كيفيه التسجيل في طلب التصويت بالخارج
شكراً جزيلا
لا شكر على واجب
لو سمحتى ممكن ملئ البيانات دى للاستئناس بيها فى ملء البيانات وشكرا للمجهود المميز
حاضر هيتم تصحيحها و شكرا جزيلا
لو سمحتي انا بقالي فترة خارج مصر – وقمت باصدار بطاقة رقم قومي من حوالي اكتر من خمس سنين لما كنت في اجازة لكنى تركتها مع والدي وضاعت منه – هل من طريقة لاصدار بدل فاقد – مه العلم اني الان خارج مصر بالسعودية
ارجوكم افيدوني
شكرا لتعاونكم
حضرتك لو توجهت للقسم اللي حضرتك تابع ليه ممكن يستخرجلك بدل فاقد ( ممكن والدك يستفسر اذا كان باماكنه استخراجها ليك )
إنما في الوقت الحالي للتسجيل تقدر تعرف الرقم القومي من شهادة الميلاد الإلكترونية أو جواز السفر الجديد لو حضرتك كنت استخرجته !
و لا شكر على واجب
لما كتبت الرقم القومى بتاعى مش رادى يروح للخطوة التانية اومش رادى يتحقق
يا ريت حد يدلنى على إيميلى
يا ريت حضرتك تجرب تاني
المفروض حضرتك تكتب الرقم القومي بالحروف العربية 123 و ليست الهندية ، كذلك المفروض تكتبه في خانة طلب التصويت للمصريين في الخارج و ليس على الصفحة الرئيسية
لما يتحقق هيعرضلك حضرتك مسجل في دوائر ايه او هيقولك انه حضرتك مش مسجل
بعد كده تكمل بقيت الخطوات
لو لم ينجح اول مرة جرب مرة و اخرى في اوقات مختلفة
السلام عليكم
لو سمحتى انا دخلت الرقم القومى والدايرة بتاعتى صح ومش محتاج اغيرها
كنت بس حابب اتاكد انى كده اقدر اصوت فى الانتخابات
وشكرا
لو حضرتك مقيم في مصر حضرتك ممكن تصوت في المقر الانتخابي للدايرة بتاعة حضرتك
لو حضرتك مقيم في الخارج و مش هترجع مصر في وقت الانتخابات يبقى حضرتك لازم تستكمل الاجرائات كما هو مبين في الاعلى عشان تقدر تغيرها و الا مش هتقدر تصوت في السفارة
شكرا جدا ليكي
عرفت اسجل واخدت الرقم
وان شاء الله هتابع معاكم هنا عشان اعرف لو فى اى جديد
لان للاسف السفاره هنا خدماتها تساوى صفر
جزاكى الله كل خير
يا ريت حضرتك تتابعنا على الفايسبوك و تويتر ايهما اسهل
right_2_vote
facebook.com/right2vote
و يمكنك التواصل معي شخصيا عن طريق اللينك ده about.me/AsmaaKhairy
و ربنا يوفقنا و نكون قدرنا نساعد ..
تحياتي
I tried to register, was fine until I got to the part for Egyptian passport information…I thought we don’t need to have an Egyptian passport to register to vote, just raqam al-qawmy. I don’t have an Egyptian passport does this mean I cannot register to vote??!?!? And I know there’s no way I’ll be able to get an Egyptian passport out in time
I’m not sure , but try putting an (_) underscore in the passport section and let me know how it went
Alsalamo alikom wr wb I misses the lajnah came 2 toronto …I only have old birth certificate no.
advise me what 2 do plsé.
يا جماعة أنا مش عارف يعني ايه الرمز البريدي ممكن حد يفهمني عشان أكمل بياناتي ومشكورين على مجهوداتكم وربنا يخليكم لمصر
( تحيا مصر )
استاذ رضا
حضرتك ممكن تحط علامة (_) underscore مكان الرمز البريدي
و ممكن تكتب كود البلد اللي حضرتك عايش فيها ..
فى حالة التسجيل بالخارج هل يمكننى التصويت فى مصر عندما أعود اليها نهائى أم لا
التسجيل سيكون لهذه الانتخابات فقط .. الشعب و الشورى .. و لا يسري على اي انتخابات قادمة !
لذا فإن عدت نهائيا بعد انتخابات الشورى يمكنك التصويت في مصر بصورة عادية